महिलांची प्रजनन क्षमता संपवणाऱ्या त्या गूढ आजारावर अखेर उपचार सापडला

महिलांची प्रजनन क्षमता संपवणाऱ्या त्या गूढ आजारावर अखेर उपचार सापडला

आतापर्यंत या आजारावर अचूक इलाज नव्हता. या आजारात महिलांना असह्य वेदना होतात. यामुळे त्यांची प्रजनन क्षमता संपते. म्हणजेच ती महिला वंध्यत्वाकडे वाटचाल करू लागते.

  • Share this:

नवी दिल्ली, 05 सप्टेंबर : एंडोमेट्रिओसिस (Endometriosis) हा स्त्रियांमध्ये होणारा एक गूढ रोग बरा करण्यासाठी एक हार्मोनल उपचार पद्धती शोधली गेली असल्याचा दावा करण्यात येत आहे. आतापर्यंत या आजारावर अचूक इलाज नव्हता. या आजारात महिलांना असह्य वेदना होतात. यामुळे त्यांची प्रजनन क्षमता संपते. म्हणजेच ती महिला वंध्यत्वाकडे वाटचाल करू लागते. एंडोमेट्रिओसिस बरा करण्यासाठी शास्त्रज्ञ 20 वर्षांहून अधिक काळ जेनेटिक संशोधन करत आहेत. उपचाराच्या या पद्धतीमध्ये विशिष्ट प्रकारचा जनुक थांबवला जातो. ज्यामुळे वेदना, सूज आणि प्रजनन क्षमता सुधारते. याची चाचणी उंदरांवर यशस्वी झाली आहे. मॅसेच्युसेट्स इन्स्टिट्यूट ऑफ टेक्नॉलॉजीमधील लिंडा ग्रिफिथ यांनी सांगितले की ही एक उत्तम उपचार पद्धती आहे.

लिंडा म्हणाल्या की, आतापर्यंत मादी उंदरांवर त्याची चाचणी यशस्वी झाली आहे. आम्ही महिलांवर त्याची चाचणी केलेली नाही. परंतु, एकदा मानवी चाचण्या सुरू झाल्या की, एंडोमेट्रिओसिससारख्या रोगाविषयी अनेक न उलगडलेल्या गोष्टींचा उलघडा होत जाईल. हा रोग जगातील प्रत्येक 10 महिलांपैकी एकाला होण्याची शक्यता आहे. हा रोग थेट स्त्रियांच्या गर्भाशयाशी संबंधित आहे.

गर्भाशयाच्या आतील बाजूवर ऊतींचा थर असतो. जो प्रत्येक मासिक पाळीच्या वेळी निघून जातो. हा थर गर्भाशयाच्या बाहेरील बाजूसही वाढू लागतो. मग अशा परिस्थितीत स्त्रियांना भयंकर वेदना सहन कराव्या लागतात. विशेषतः मासिक पाळीच्या दरम्यान वेदना खूप वाढतात. जेव्हा ऊतींचा बाह्य थर फुटू लागतो, तेव्हा हा थर आतल्या अवयवांना चिकटतो. आतापर्यंत ते काढण्याचा शस्त्रक्रिया हा एकमेव मार्ग होता.

हे वाचा - आवडतं म्हणून भरपूर वेळ Bathing नको; 'या' वेळेतच आटोपा अंघोळ नाहीतर...

हार्मोन्सच्या उपचारानंतर एस्ट्रोजेन कमी केले जाते, जेणेकरून मासिक पाळीचे चक्र मागे-पुढे जाईल. परंतु, या पद्धतीमध्ये कित्येक महिने लागू शकतात आणि त्यात चुका होण्याची दाट शक्यता असते. म्हणजेच त्याचे दुष्परिणाम अधिक असू शकतात. उदाहरणार्थ, वजन वाढणे, अस्थिर मन किंवा डोकेदुखी. हार्मोन थेरपी अनेकांना मदत करत नव्हती.

हे वाचा -स्वयंपाक करताना ही चूक केली तर ताजं शिजवलेलं खाऊनही काहीच फायदा होणार नाही

ऑक्सफोर्ड विद्यापीठात एंडोमेट्रिओसिसवर संशोधन करणाऱ्या क्रिना झोंडरवान यांनी सांगितले की, हे संशोधन 1990 पासून चालू आहे. तेव्हा शास्त्रज्ञांना माहित होते की हा रोग जेनेटिक पद्धतीने बरा करणे शक्य आहे. परंतु, त्यावर उपचार करण्यासाठी कोणत्या प्रकारच्या जीनचा वापर केला जाऊ शकतो हे माहीत नव्हते.

Published by: News18 Desk
First published: September 5, 2021, 1:27 PM IST

ताज्या बातम्या