Home /News /heatlh /

Ramdhan 2021 : इफ्तारी केल्यावर अ‍ॅसिडीटी होते? हे घरगुती उपाय ठरतील उपयुक्त

Ramdhan 2021 : इफ्तारी केल्यावर अ‍ॅसिडीटी होते? हे घरगुती उपाय ठरतील उपयुक्त

अ‍ॅसिडीटीचा त्रास (acidity problem) होत असल्यास, काही घरगुती उपाय हे नक्कीच उपयुक्त ठरू शकतात.

    मुंबई, 26 एप्रिल : सध्या रमजानचा (Holy month of Ramadhan) पवित्र महिना सुरू आहे. मुस्लिम बांधवांसाठी हा धार्मिक दृष्ट्या अत्यंत महत्त्वाचा महिना असतो.  या महिन्यात कडक निर्जळी उपवास ठेवला जातो म्हणजेच रोझा (Roza) ठेवला जातो. सकाळची पहाटे न्याहारी म्हणजेच सेहरी केल्यानंतर सुर्य मावळेपर्यत काहीही खाल्लं जात नाही. त्यामुळे अनेकांना इफ्तार नंतर अ‍ॅसिडीटीचा त्रास (acidity problem) सतावतो. त्यासाठी काही घरगुती उपाय हे नक्कीच उपयुक्त ठरू शकतात. जीरं आणि काळ मीठ (cumin and black salt) - रोझा सोडल्यानंतर लगेच जीरं आणि काळ्या मीठाचं सेवन केल्याने अ‍ॅसिडीटी पासून सुटका होते. त्यासाठी जीरे पूड करून अर्धा चमचा पूडमध्ये एक चतुर्थांश काळ मीठ मिसळावं आणि ते कोमट पाण्यात घ्यावं. चांगल्या रिझर्ल्ट्ससाठी सकाळच्या सेहरीच्या वेळीही हे मिश्रण घेऊ शकता.

    हे वाचा - Meditation : कोरोना काळात तणावासह आजारांनाही दूर ठेवण्याचा सोपा मार्ग

    ओवा आणि काळ मीठ (Carom seeds and black salt) - ओव्याची पूड करून अर्धा चमचा पूडमध्ये एक चतुर्थांश काळ मीठ मिसळावं आणि ते कोमट पाण्यात घ्यावं. याने अ‍ॅसिडीटी होण्यापासून आराम मिळतो. हे देखील सकाळच्या सेहरीच्या वेळी घेतल्याने अधिक आराम मिळतो. आवळा रस किंवा मुरंबा (Amla, gooseberry) - आवळा हा अ‍ॅसिडीटीवर उत्तम उपाय आहे. इफ्तारीच्या वेळी किंवा नंतर आवळा रस किंवा आवळा मुरंबा खाल्ल्याने अ‍ॅसिडीटीचं प्रमाण कमी होतं. याशिवाय सुकलेले आवळा म्हणजेच आवळा कँडी ही खाऊ शकता.

    हे वाचा - घरीच कोरोनावर उपचार घेताना शरीरातील Oxygen कमी झाल्यास नेमकं काय करावं? पाहा हा VIDEO

    बडीशेप किंवा बडीशेप पाणी (fennel) - अ‍ॅसिडीटीसाठी बडीशेप किंवा बडिशेप पाणी देखील उपयुक्त ठरतं. इफ्तार झाल्यानंतर बडिशेप पाणी किंवा माउथ फ्रेशनर म्हणून बडीशेप खाऊ शकता. पाणी बनवण्यासाठी एक चमचा बडीशेपमध्ये एक ग्लास पाणी मिसळून हे पाणी उकळून घ्यावे, नंतर गाळून पाणी प्यावे. याने पचनास मदत होते.
    Published by:News Digital
    First published:

    Tags: Health Tips, Lifestyle

    पुढील बातम्या