Home /News /heatlh /

'कोरोना लस घेतल्यानंतर मला...', दुसरा डोस घेतल्यानंतर केंद्रीय आरोग्यमंत्र्यांचा VIDEO समोर

'कोरोना लस घेतल्यानंतर मला...', दुसरा डोस घेतल्यानंतर केंद्रीय आरोग्यमंत्र्यांचा VIDEO समोर

केंद्रीय आरोग्यमंत्री डॉ. हर्ष वर्धन (Health minister Dr. Harsh vardhan) यांनी कोरोना लशीचा दुसरा डोस घेतल्यानंतर आपला अनुभव मांडला आहे.

    नवी दिल्ली, 30 मार्च : एक एप्रिलपासून कोरोना लसीकरणाचा (Corona vaccination) तिसरा टप्पा सुरू होणार आहे. देशात कोरोनाची दुसरी लाट आली आहे. पण तरी अद्याप कोरोना लशीबाबत (Corona vaccine) नागरिकांच्या मनात अनेक प्रश्न आहेत. काही जणांना कोरोना लस घेतल्यानंतरही समस्या जाणवत आहे, त्यामुळे कोरोना लशीवर (Covid 19 vaccine) प्रश्नचिन्हं उपस्थित केले जात आहेत. दरम्यान केंद्रीय आरोग्यमंत्री डॉ. हर्ष वर्धन  (Health minister Dr. Harsh vardhan) यांनी कोरोना लशीचा दुसरा डोस घेतल्यानंतर त्यानंतर त्यांनीसुद्धा या लशीबाबत माहिती देणारा व्हिडीओ शेअर केला आहे. कोरोना लशीचा दुसरा डोस घेतल्यानंतर केंद्रीय आरोग्यमत्री डॉ. हर्ष वर्धन यांनी पत्रकार परिषद घेतली आणि त्यात त्यांनी कोरोना लशीबाबत आपला अनुभव मांडला. केंद्रीय आरोग्यमंत्री म्हणाले, "मी आणि माझ्या पत्नीने एकत्र कोरोना लस घेतली. पहिला डोस घेतल्याच्या 28 दिवसांनंतर आज आम्ही कोरोना लशीचा दुसरा डोस घेतला. पहिला डोस घेतल्यापासून ते दुसरा डोस घेतल्यानंतर 30 मिनिटांनंतरही आम्हाला कोणताच त्रास झाला नाही. दोन्ही भारतीय कोरोना लशी सुरक्षित आणि प्रभावी आहेत" हे वाचा - काळजी घ्या! महाराष्ट्रातील 'या' 8 जिल्ह्यात सर्वाधिक कोरोनाबाधित रुग्ण काही लोकांच्या मनात कोरोना लशीबाबत प्रश्न आहेत. त्यांनी व्हॉट्सअप युनिव्हर्सिटीत पसरवल्या जाणाऱ्या अफवांवर विश्वास ठेवू नये, असं आवाहन आरोग्यमंत्र्यांनी केलं आहे. कोरोना लस घेतल्यानंतर कोरोना संसर्गाचे काही मोजकीच प्रकरणं आहेत. पण कोरोना लस घेतल्यानंतर कोरोना संसर्ग झाला तरी त्या रुग्णाला रुग्णालयात दाखल करण्याची किंवा आयसीयूमध्ये दाखल करण्याची शक्यता खूप कमी असते, असं ते म्हणाले. हे वाचा - कोरोना महासाथीचा असाही परिणाम; तुमच्यासोबतही असंच घडतंय का ते पाहा देशात जानेवारी, 2021 पासून कोरोना लसीकरण सुरू झालं. लसीकरणाचा तिसरा टप्पा एक एप्रिलपासून सुरू होणार आहे. 45 पेक्षा जास्त वयाच्या सर्व व्यक्तींना कोरोना लस दिली जाणार आहे.
    Published by:Priya Lad
    First published:

    Tags: Corona vaccination, Corona vaccine, Coronavirus

    पुढील बातम्या