वातावरण बदलामुळे सर्दी, खोकला झालाय का? करा 'हे' 8 घरगुती उपाय

वातावरण बदलामुळे सर्दी, खोकला झालाय का? करा 'हे' 8 घरगुती उपाय

डॉक्टरकडे जाण्याआधी एकदा करून पहा 'हे' उपाय

  • Share this:

मुंबई, 17 जून : पावसाळ्याला सुरुवात झाली असून, अधूनमधून पडणाऱ्या पावसामुळे वातावरणात गारवा निर्माण झाला आहे. यामुळे प्रचंड उष्णतामानामुळे हैराण झालेल्यांना जरा दिलासा मिळाला असला तरी, बदललेल्या या वातावरणामुळे अनेकांना सर्दी-खोकल्याचा त्रास सुरू झाला आहे. कोणत्याही डॉक्टरकडे न जाता हा त्रास जर तुम्हाला घरच्या घरी बरा करायचा असेल तर त्यासाठी आज आम्ही तुम्हाला काही सोपे आणि घरगुती उपचार सांगणार आहोत.

अनेकजण सर्दी-खोकला झाला की लगेच डॉक्टरकडे धाव घेतात आणि अॅलोपॅथीची औषधं घेतात. मात्र, त्याच्या दुष्परिणामांचा अजिबात विचार केला जात नाही. सर्दी-खोकला हा त्या मानाने अगदी सामान्य आजार असून, त्यावर आयुर्वेदिक पद्धतीने घरगुती उपाय करणे अधिक चांगलं असतं.

'हे' फळ खाल्ल्याने 20 टक्क्यांनी वाढते शरीरातली उर्जा; जाणून घ्या आणखी फायदे

1 - खोकला दूर करण्यासाठी एक कप पाण्यात एक आल्याचा तुकडा, चिमूटभर दालचिनी आणि 4-5 काळे मिरे टाकून ते उकळून घ्यावं. ते कोमट झाल्यानंतर गाळून त्यात एक चमचा मध टाकून ते पिल्यास लगेच आराम पडतो.

2 - लसणाच्या 3-4 पाकळ्या आणि अर्धा चमचा हळद एक ग्लास दुधामध्ये टाकून ते उकळा. रात्री झोपण्याआधी ते प्यावं.

3 - एक चमचा कांद्याच्या रसात मध मिसळून ते रोज सकाळी उपाशीपोटी घेतलाने लगेच आराम मिळतो.

4 - कपभर पाण्यात 4-5 लवंग टाकून ते उकळून घा. कोमट झाल्यानंतर त्यात अर्ध लिंबू पिळा. मग त्यात एक चमचा मध मिसळून ते प्या.

5 - मोहरीच्या तेलामध्ये 4-5 पाकळ्या लसून टाकून ते गरम करून घ्या. ते कोमट झाल्यानंतर पायाच्या तळव्यांवर आणि छातीवर लावून मालिश करावी.

कच्ची पपई खाल्ल्याने वाढते रोगप्रतिकारक शक्ती; आणखीही आहेत फायदे

6 - एक कप पाण्यात अर्धा चमचा ज्येष्ठमधाची पावडर आणि 8-10 तुळशीची पानं टाकून ते उकळून घ्या. कोमट झाल्यानंतर ते चहासारखं प्यावं.

7 - थोडीशी तुरटी तव्यावर भाजून घ्यावी. त्याची पावडर बनवून ती गुळासोबत नियमित सेवन केल्यास सर्दी, खोकला कमी होतो.

8 - जवस आणि तीळ सम प्रमाणात भाजून घ्यावे. त्याची पूड तयार करून सकाळी आणि संध्याकाळी कोमट पाण्यात एक चमचाभर टाकून ते पिल्याने लगेच आराम मिळतो.


बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags:
First Published: Jun 17, 2019 10:52 PM IST

ताज्या बातम्या