Corona काळात Dark chocolate खा; केंद्र सरकारने का दिला असा सल्ला?

Corona काळात Dark chocolate खा; केंद्र सरकारने का दिला असा सल्ला?

कोरोना काळात कोणते पदार्थ खावेत याबाबत केंद्राने यादी जारी केली आहे.

  • Share this:

मुंबई, 08 मे : कोरोना काळात आपण स्वत:ची आणि कुटुंबाची काळजी न घेतल्यास कोरोना आपल्या उंबऱ्यापर्यंत येऊ शकतो. त्यामुळेच या काळात आपली इम्युनिटी (Immunityचांगली ठेवायला हवी. कोरोनाशी लढण्यासाठी आपली रोगप्रतिकारक क्षमता चांगली असणं अत्यंत आवश्यक आहे. याच संदर्भात केंद्र सरकारने रोगप्रतिकारक शक्ती वाढवण्याऱ्या काही पदार्थांची यादी दिली आहे. ज्यामध्ये डार्क चॉकलेटचाही (Dark chocolate) समावेश आहे.

केंद्र सरकारने ट्विटरवर रोगप्रतिकारक शक्ती वाढवणाऱ्या पदार्थांची यादी जारी केली आहे. नैसर्गिकरित्या रोगप्रतिकार शक्ती वाढवण्याचे उपाय सांगितले आहेत. यामध्ये डार्क चॉकलेट खाण्याचाही सल्ला देण्यात आला आहे.

कोरोना काळात फक्त शारीरिक नाही तर मानसिक परिणामही होतो. अँझायटी, स्ट्रेस जाणवतो आहे आणि हे कमी करण्यासाठी डार्क चॉकलेट उत्तम आहे. कमीत कमी 70 टक्के कोको पावडर असलेलं चॉकलेट खा, जेणेकरून अँझायटी कमी होईल, असा सल्ला केंद्राने दिला आहे.

(मधुमेह आणि हृदयविकार असूनही कोरोनाला हरवलं, 92 वर्षाचे आजोबा झाले ठणठणीत)

डार्क चॉकलेट शिवाय आणखीन कोणते पदार्थ फायदेशीर आहेत हे देखील या पोस्टमध्ये सांगण्यात आलं आहे.  नाचणी, जवस आणि अमर वेलचा आहारात समावेश करण्याचा सल्ला दिला आहे. तर इम्युनिटी वाढवण्यासाठी हळदीचं दूध (Turmeric milkपिण्यासही सांगण्यात आलंय. शिवाय आमचूर पावडरही फायदेशीर असल्याचं सांगितलं आहे. ड्राय फ्रुट (Dry fruitखाल्ल्यानेही इम्युनिटी वाढते. त्यामुळे बदाम, आक्रोड, मनुका खायला हव्यात. तर ऑलिव्ह ऑईल, राई तेलही चांगलं आहे. प्रोटीन शरीरात चांगल्या प्रमाणात असायला हवं. त्यासाठी अंड,मासे, पनीर, सोयाबीन यांचंही सेवन करायला हवं.

(RT-PCR टेस्टसाठी पर्यायी ठरेल ही रॅपिड टेस्ट, मधमाश्या लावणार COVID रुग्णाचा शोध)

कोरोना काळात हलका, पचायला सोपा आहार थोड्याथोड्या वेळाने घ्यायला हवा. शिवाय भरपूर पाणी प्यायला हवं. भरपूर पाणी पिण्याने शरीर हायड्रेट (Hydrate) राहतं. याकाळात इम्युनिटी वाढवण्यासाठी आहाराबरोबर व्ययामाकडे लक्ष द्यावं बाहेर जाणं शक्य नसेल तरी, घरातच व्यायाम करावा. प्राणायाम, योगासन रोज करावीत.

Published by: News18 Desk
First published: May 8, 2021, 10:10 PM IST

ताज्या बातम्या