Man Udu Udu Jhal: जयश्रीचं ठरलं! दीपूच होणार साळगावकारांची मोठी सून, आता काय असणार सानिकाचं पुढचं पाऊल?

मुंबई, 14 जून: मन उडू उडू झालं ( Man Udu Udu Jhal) ही प्रेक्षकांची लाडकी मालिका पुन्हा त्याच्या मुळ ट्रॅकवर आली आहे. मोठ्या अपघातातून दीपू (Deepu) सुखरुपपणे बाहेर आल्यानं सगळ्यांची चिंता दूर झालीय. इंद्रा-दीपूची लव्ह स्टोरी (Indra Deepu Love Story) देखील पुन्हा रुळावर आली आहे.  दोघांच्या प्रेमाची कल्पना आजवर केवळ सत्तू आणि इंद्राच्या आईला होती. पण आता दोघांच्या प्रेमाची जाणीव दीपूच्या वडिलांना म्हणजेच देशपांडे सरांनाही झाली आहे. दीपूसाठी इंद्रा करत असलेली धडपड आता त्याचं प्रेम पाहून जयश्रीनं देखील दीपूला साळगावकरांची सून करण्याचा निश्चय केलाय. मात्र दीपूच्या मार्गावर अडथळा ठरणारी सानिका मात्र यावेळीही अडसर ठरणार आहे. मात्र यावेळी जयश्री सानिकाला चांगलंच खडसावणार आहे. मालिकेचा प्रोमो समोर आला असून याच इंद्रा दीपूची हळूवार लव्हस्टोरी पुन्हा एकदा बहरताना दिसत आहे. इंद्रा दीपूला घेऊन गणपतीच्या मंदिरात जातो. तिला त्रास होऊ नये म्हणून इंद्रा स्टाइलनं तो तिला उचलून मंदिरात नेतो. 'आता तुमच्या गळ्यात लॉकेट घालतोय, पण लवकरचं मी तुमच्या गळ्यात मंगळसूत्र घालीन', असं म्हणत इंद्रा दीपूचा रोमँटिक अंदाज दिसत आहे.

View this post on Instagram

A post shared by ZeeMarathi (@zeemarathiofficial)

तर दुसरीकडे सानिका 'मी दीपूला घराचा उंबरा ओलांडू देणार नसल्याची', भाषा करत आहे.  पण यावेळी मात्र सानिकाचा सगळा उन्मात जयश्री खोडून काढणार आहे.  'तुझी इच्छा असो वा नसो दीपू या घरात मोठी सून म्हणून आणि तुझी मोठी जाऊ म्हणून येणार म्हणजे येणार', अशा शब्दांत जयश्री सानिकाला उत्तर देणार आहे. हेही वाचा - राज ठाकरेंच्या वाढदिवसाला केदार शिंदेंची दोन शब्दाची पोस्ट ठरतेय लक्षवेधी, काय आहे त्यात खास? अखेर दीपू इंद्राची बायको आणि साळगावकरांची मोठी सून म्हणून येणार असल्यानं सानिकाच्या तळपायाची आग मस्तकात गेली आहे. दीपू आपली लहान बहिण असून तिला सासरी मोठ्या सूनेचा मान मिळणार असल्याचं सानिकाला सहन झालेलं नाही. मोठ्या अपघाततून बाहेर आलेल्या दीपूच्या विरोधात नवी खेळी खेळण्यासाठी सानिका सज्ज झाली आहे. इंद्रा दीपूच्या प्रेमात सानिका मीठाचा खडा टाकणार आहे. दीपूला त्रास देण्यासाठी सानिका कार्तिक मिळून कोणता प्लान आखणार आणि मालिकेत कोणतं नवं वळण येणार? याकडे प्रेक्षकांचं लक्ष आहे. मन उडू उडू झालं मालिकेत आलेल्या नव्या स्टोरीमुळे मालिका आता टिआरपीच्या खेळात पुढे सरकणार का याकडेही सर्वांच लक्ष आहे. मधल्या काळात दीपू मालिकेतून गायब झाल्यानं प्रेक्षकांनी मालिकेकडे पाठ केली होती. आता दीपूच्या एंट्रीनं प्रेक्षक पुन्हा मालिकेला पसंती देणार का? हे पाहणं महत्त्वाचं ठरेल.