Tunisha Sharma Case: मोठी बातमी! तुनिषा शर्मा प्रकरणात शिझान खानला जामीन मंजूर

मुंबई, 4 मार्च- अभिनेत्री तुनिषा शर्माच्या आत्महत्येने सर्वच हादरले होते. या प्रकरणात अभिनेता-बॉयफ्रेंड शिझान खानला अटक करण्यात आली होती. दरम्यान या प्रकरणात आता मोठी बातमी समोर आली आहे. अभिनेता शिझान खानला तब्बल दोन महिन्यानंतर जामीन मंजूर झाला आहे. शनिवारी झालेल्या सुनावणीत शिझानला जामीन मंजूर करण्यात आला आहे. एक लाख रुपयांच्या जातमुचलक्यावर जामीन मंजूर करण्यात आला आहे.

छोट्या पडद्यावरील अभिनेत्री तुनिषा शर्माच्या मृत्यू प्रकरणाने खळबळ माजवून दिली आहे. अभिनेत्री 'अलीबाबा:दास्तान-ए-काबुल' मालिकेत मरियमची भूमिका साकारत होती. तुनिषाने काही दिवसांपूर्वी मालिकेच्या सेटवरच गळफास घेत आत्महत्या केली होती. यानंतर अभिनेत्रींच्या आईने मालिकेचा मुख्य अभिनेता आणि तुनिषाचा बॉयफ्रेंड शिजान खानवर गंभीर आरोप करत पोलिसांत तक्रार केली होती. त्यांनतर पोलिसांनी त्याला ताब्यात घेतलं होत.

तुनिषा शर्माने 24 डिसेंबरला अलीबाबा; दास्तान-ए-काबुल' या मालिकेच्या सेटवर आत्महत्या केली होती. अभिनेत्रीने शिजान खानच्या मेकअपरुममध्ये गळफास घेत आपलं आयुष्य संपवलं होतं. यांनतर सर्वत्र एकच खळबळ माजली होती. त्याचवेळी अभिनेत्रीच्या आईने शिजानवर आपल्या मुलीला आत्महत्या करण्यास प्रवृत्त केल्याचा धक्कादायक आरोप करत त्याला अटक करण्याची मागणी केली होती. त्यांनतर पोलिसांनी अभिनेत्याला कस्टडीत घेतलं होतं.

तेव्हापासून अभिनेता शिझान खान तुरुंगात होता. अनेकवेळा त्याचा जामीन नामंजूर करण्यात आला होता.मात्र शनिवारी झालेल्या सुनावणीत न्यायालायने अभिनेत्याला जामीन मंजूर केला आहे. त्यामुळे तब्बल दोन महिन्यानंतर अभिनेता तुरुंगातून बाहेर येत आहे.