राणाचा भाऊ दिसणार नव्या मालिकेत; राज हंचनाळे झळकणार मुख्य भूमिकेत

मुंबई, 16 जून-   मराठीमध्ये सध्या एकापेक्षा-एक मालिका   (Marathi Serials)  प्रेक्षकांच्या भेटीला येत आहेत. मालिकांमध्ये हाताळले जात असलेले वेगवेगळे विषय यांमुळे मालिकांचा टीआरपीसुद्धा प्रचंड वाढत आहे. दरम्यान आता आणखी एक नवी मालिका प्रेक्षकांच्या भेटीला येत आहे. या मालिकेतून 'तुझ्यात जीव रंगला'  (Tujhyat Jeev Rangla)  मालिकेतील राज अर्थातच वहिनीसाहेबांचा नवरा मुख्य भूमिकेतून भेटीला येत आहे. राज हंचनाळेने   (Raj Hanchnale)  नुकतंच आपल्या सोशल मीडियाच्या माध्यमातून याबाबतची माहिती दिली आहे. अभिनेता राज हंचनाळे सोशल मीडियावर प्रचंड सक्रिय असतो. तो सतत फोटो आणि व्हिडीओ शेअर करत आपल्या अपडेट्स चाहत्यांपर्यंत पोहोचवत असतो. आजही अभिनेत्याने एक पोस्ट शेअर केली आहे. ही पोस्ट फारच खास आहे. कारण या पोस्टच्या माध्यमातून राजने आपल्या नव्या मालिकेची माहिती दिली आहे. खरं तर राजने आपल्या अधिकृत इन्स्टाग्राम अकाऊंटवर आपल्या नव्या मालिकेचा एक प्रोमो शेअर केला आहे. हा प्रोमो सध्या चांगलाच पसंत केला जात आहे.मात्र या मालिकेचं नाव अजून उघड करण्यात आलेलं नाहीय. ही मालिका लवकरच सोनी मराठीवर प्रेक्षकांच्या भेटीला येणार आहे.

View this post on Instagram

A post shared by RAJ T HANCHANALE (@raj_hanchanale)

राजने आपल्या अकाऊंटवर शेअर केलेल्या या प्रोमोमध्ये, तो एका सुंदर सहा नदीकिनारी उभा असलेला दिसत आहे. त्याचवेळी मुख्य अभिनेत्री तिला भेटायला येते. आणि या दोघांमध्ये मजेशीर पण प्रेमळ संवाद ऐकायला मिळत आहे. या प्रोमोवरून एक गोष्ट लक्षात येत आहे की, मालिकेत मराठीसोबत साऊथचा तडक पाहायला मिळणार आहे. कारण अभिनेत्री काही प्रमाणात कन्नडमध्ये बोलताना दिसून येत आहे. या मालिकेत राजसोबत अभिनेत्री प्रतीक्षा शिवणकर मुख्य भूमिकेत दिसणार आहे. प्रतीक्षने याआधी एका लग्नाची पुढची गोष्ट, कॉलेज डायरी,कॉमेडी बिमेडी अशा प्रोजेक्टसमध्ये काम केलं आहे. (हे वाचा: '...आणि मग पहिला रेडिओ घरात आणला '' केदार शिंदेंनी सांगितला शाहिरांच्या पत्नीच्या हट्टाचा तो किस्सा) राज हंचनाळेबाबत सांगायचं तर 'तुझ्यात जीव रंगला' या झी मराठीवरील लोकप्रिय मालिकेतून राज घराघरात पोहोचला होता. या मालिकेत राजने राणा म्हणजेच हार्दिक जोशीच्या भावाची आणि धनश्री काडगावकरच्या पतीची भूमिका साकारली होती. ही मालिका प्रचंड लोकप्रिय ठरली होती. शिवाय या मालिकेमुळे राजला एक नवी ओळख मिळाली होती.