प्रेयसीसाठी अभिनेत्री झाली पुरुष; लिंगबदल सर्जरीनंतर शर्टलेस फोटो केला शेअर

मुंबई 26 मे: जगप्रसिद्ध अभिनेत्री एलन पेज (Elliot Page) हिनं लिंगबदल शस्त्रक्रिया करुन पुरुष लिंग स्विकारलं. खरं तर तिनं वर्षभरापूर्वी एका इन्स्टाग्राम पोस्टच्या माध्यमातून ही धक्कादायक माहिती आपल्या चाहत्यांना दिली होती. (Elliot Page Shares first Photo) “आता माझं नाव एलन नसून एलियॉट पेज असं आहे. तुम्ही मला स्त्री म्हणा किंवा पुरुष मला फरक पडत नाही. मी तेच केलं जे मला करायचं होतं.” अशा आशयाची पोस्ट लिहून तिने एकच खळबळ उडवली होती. त्यानंतर आता तिनं पुरुष लिंग स्विकारल्यानंतर स्वत:चा एक शर्टलेस फोटो सोशल मीडियावर शेअर केला आहे. एलियॉटनं पुरुष झाल्यानंतर पहिल्यांदाच स्वत:चा एका फोटो शेअर केला आहे. हा फोटो पाहून सर्वजण चकित झाले आहेत. फोटोत दिसणारी व्यक्ती खरंच काही महिन्यांपूर्वी एक महिला होती यावर कोणाचाच विश्वास बसणार नाही. या फोटोवर जगभरातील नेटकऱ्यांनी मिश्र प्रतिक्रिया दिल्या आहेत. काही जणांनी त्याच्यावर टीका केली आहे तर काहींनी तिच्या धाडसाचं कौतुक केलं आहे. ‘शक्तिमान’मधील खलनायिका सध्या काय करतेय? पाहा 43 वर्षीय दीपशिखाचा Red and Hot Look

View this post on Instagram

A post shared by @elliotpage

शस्रक्रिया करण्यापूर्वी एलन पेज ही हॉलिवूड सिनेसृष्टीतील एक नामांकित अभिनेत्री म्हणून ओळखली जात होती. आजवर तिनं ‘एक्स मेन’, ‘इन टू द फॉरेस्ट’, ‘इन्सेप्शन’, ‘जुनो’ यांसारख्या अनेक सुपरहिट चित्रपटांमध्ये काम केलं आहे. अष्टपैलू अभिनय शैलीमुळे तिने हॉलिवूड सिनेसृष्टीत स्वत:च असं एक वेगळ स्थान प्रस्थापित केलं होतं. परंतु एलन आता यापुढे अभिनेत्रींच्या भूमिकेत झळकणार नाही. कारण तिने लिंगबदल शस्त्रक्रिया करुन पुरुष लिंग स्विकारलं आहे. त्यामुळं काही चाहते तिच्यावर नाराज आहेत. “लहानपणापासून मला पुरुषांपेक्षा स्त्रियांप्रती जास्त आकर्षण होतं. त्यामुळे मी ट्रान्सजेंडर होण्याचा निर्णय घेतला. हा निर्णय काही लोकांना आवडलेला नाही. अनेकांनी माझ्यावर टीका देखील केली. तुम्ही मला पुरुष म्हणा अथवा स्त्री मला काही फरक पडत नाही. मी तेच केलं जे मला करायचं होतं. लक्षात ठेवा आता माझं नाव एलन नसून एलियॉट पेज आहे.” अशा आशयाची पोस्ट लिहून एलियॉटनं आपल्या भावना व्यक्त केल्या. एलन गेली तीन वर्ष एमा पोर्टनसोबत रिलेशनशिपमध्ये होती. अलिकडेच तिने आपल्या प्रेयसीसोबत लग्न केलं. पत्नीच्या प्रेमाखातर मी लिंग देखील बदलू शकते असं तिनं अलिकडेच दिलेल्या एका मुलाखतीत म्हटलं होतं. या पार्श्वभूमीवर तिने ही शस्त्रक्रिया एमासाठीच केली अशी चर्चा आहे.