'या' अभिनेत्रीचं धोनीवर होतं जीवापाड प्रेम, IPL मॅचेस दरम्यान रंगल्या होत्या अफेअरच्या चर्चा

मुंबई 5 मे: भारतीय क्रिकेटर महेंद्रसिंग धोनी (Mahendra Singh Dhoni) त्याच्या क्रिकेट करिअर इतकाच त्याच्या वैयक्तिक आयुष्यामुळेही तो चर्चेत राहीला आहे. कधी त्याच्या स्टाईलमुळे तर कधी त्याच्या प्रेयसींमुळे. ऐकेकाळी अभिनेत्री राय लक्ष्मी (Raai Laxmi) आणि धोनी यांच्या अफेयरची जोरदार चर्चा होती. दोघेही अनेकदा एकमेकांसोबत स्पॉट व्हायचे. अभिनेत्री राय लक्ष्मीचा आज 32 वा वाढदिवस आहे. साउथची ती प्रसिद्ध अभिनेत्री आहे. 2008 मध्ये आयपीएल मॅचेस (IPL matches) दरम्यान त्यांच्या अफेअरच्या चर्चांना उधाण आलं होत. राय लक्ष्मीचं धोनीवर जिवापाड प्रेम होतं असंही म्हटलं जातं. 5 मे 1989 ला कर्नाटकमध्ये लक्ष्मीचा जन्म झाला होता. लक्ष्मीने 2005 मध्ये तमिळ चित्रपट ‘करका कसादरा’ मधून सिनेसृष्टीत पदार्पण केलं होतं. तर बॉलिवूड चित्रपट ‘जुली 2’ या चित्रपटातही काम केलं आहे.

View this post on Instagram

A post shared by Raai Laxmi (@iamraailaxmi)

धोनीसोबत असलेल्या नात्यामुळे ती फारच चर्चेत आली होती. पण नंतर काही कारणांनी दोघांनीही एकमेकांची साथ सोडली. लक्ष्मीने एका मुलाखतीत म्हटलं आहे की, “मी तेव्हा टीम चेन्नई सुपरकिंग्सची ब्रँड अम्बॅसेडर होते. तो टीमचा एक भाग होता त्यामुळे जवळपास वर्षभरापेक्षाही कमी काळ आम्ही एकत्र होतो. आम्ही कधीच एकमेकांना लग्नाचं कमिटमेंट केलं नाही किंवा लग्नाविषयी विचार देखील केला नाही. त्यामुळे मला समजत नाही अजूनही लोक आमच्याविषयी का बोलतात?”

काहे दिया 'कमेंट', सायलीच्या फोटोवर ऋतुराज घायाळ, चर्चा तर होणारच!

2016 साली धोनीचा बायोपिक ‘एमएस धोनी : द अनटोल्ड स्टोरी’ (MS Dhoni: The Untold story) हा चित्रपट आला होता. तेव्हाही लक्ष्मी फारच नर्व्हस झाली होती. आपलंही पात्र दाखवलं जाईल का अशी भीती तिला वाटत होती. पण चित्रपटातून हा भाग वगळण्यात आला. आणि त्यामुळे जास्त लोकांना या अफेअरविषयी समजलं नाही. राय लक्ष्मी ही साउथची एक प्रसिद्ध अभिनेत्री आहे. तिने अनेक साउथ चित्रपटांमध्ये काम केलं आहे. लवकरच ती सिंड्रेला, झांसी आयपीएस, अनंधा भैरवी, गँगस्टर 21 आणि ओट्टाकोम्बन या चित्रपटांत दिसणार आहे.