तिकीटं काढण्यासाठी तयार राहा! ठाकरे सरकारनेही दिले सिनेमागृह सुरू करण्याबद्दल संकेत

मुंबई, 06 ऑक्टोबर : गेल्या सात महिन्यांपासून बंद असलेली सिनेमागृहांची दार उघडण्यास केंद्र सरकारने परवानगी दिली आहे. केंद्र सरकारने परवानगी दिल्यानंतर राज्य सरकारनेही सिनेमागृह सुरू करण्याबद्दल सकारात्मक भूमिका घेतली आहे. सांस्कृतिक मंत्री अमित देशमुख यांनी सिनेमागृह सुरू करण्याबद्दल संकेत दिले आहे. केंद्र सरकारने मार्च महिन्यापासून बंद असलेले सिनेमागृह आता अखेर उघडण्यात येणार आहेत. 15 ऑक्टोबरपासून सिनेमागृह उघडण्यास केंद्र सरकारने परवानगी दिली आहे. राज्याचे सांस्कृतिक मंत्री अमित देशमुख यांनी सांगितले की, 'सिनेमागृह सुरू करण्याबाबत केंद्राने निर्णय घेतला आहे. याचा विचार महाराष्ट्र सरकार गांभीर्याने करत आहे. आमची सिनेमागृह मालकांशी चर्चा झाली आहे.  नवरात्र, दसरा, दिवाळी हा चित्रपटांसाठी आणि नाट्यगृहासाठी मौसम असतो. त्यामुळे परवानगी द्यावी ही विनंती केली आहे. त्यांच्या मागणीबद्दल आम्ही सकारात्मक आहोत. लवकरच आम्ही मुख्यमंत्री उद्धव ठाकरे यांच्यासोबत चर्चा करून निर्णय घेऊ' रोहित शर्मा आहे या बॉलिवूड अभिनेत्रीचा 'क्रश', मुंबईतील उद्योपतीशी करणार लग्न 'कोविड रुग्ण संख्या महाराष्ट्रामध्ये जास्त आहे. त्यामुळे  शिथिलता देण्याआधी विचार करू मग निर्णय घेण्यात येईल. सिनेसृष्टी आणि नाट्यसृष्टी अडचणीत आहे. त्यांच्यावर आर्थिक संकट कोसळलं आहे. त्यातून त्यांना बाहेर काढणे गरजेचं आहे. पुढील काही दिवसांत याबद्दल चित्र स्पष्ट होईल', असंही अमित देशमुख यांनी स्पष्ट केलं. राज्यात ग्रंथालय आणि इतर गोष्टी थोड्या फार काळात सुरू होतील अशी मान्यता आहे. त्याची तपशील काही दिवसांत स्पष्ट होईल. पुस्तक घरी घेऊन कोणी जाणार असेल तर विचार करता येईल. पूर्णपणे ग्रंथालय,कोचिंग क्लासेस हे कधी सुरू करत येईल हे येणाऱ्या काही दिवसांत जाहीर करण्यात येईल, असंही देशमुख यांनी सांगितले. पुणे हादरलं, नवले पुलाजवळ विचित्र अपघाताचा पहिला VIDEO दरम्यान, 15 ऑक्टोबरपासून सिनेमागृह उघडण्यास केंद्र सरकारने परवानगी दिली आहे. सिनेमागृहाच्या एकूण प्रेक्षक क्षमतेच्या 50 टक्के लोकांना एकावेळी सिनेमा पाहता येणार आहे. दरम्यान याकरता केंद्र सरकारकडून सिनेमांच्या प्रदर्शनासाठी एसओपी (Standard Operating Procedure) जारी करण्यात आली आहे. या नियमांनुसार काही कडक नियम पाळणे अनिवार्य असणार आहे. केंद्र सरकारने जारी केलेल्या मार्गदर्शक सूचना खालीलप्रमाणे 1. सिनेमागृहाच्या क्षमतेच्या 50 टक्केपेक्षा अधिक प्रेक्षकांना परवानगी नसावी 2. थिएटरमध्ये बसताना योग्य फिजिकल डिस्टंन्सिंग 3. 'येथे बसू नये' असे सीट्सवर मार्क करणे आवश्यक 4. हँडवॉश आणि सॅनिटायझर पुरवण्यात यावे 5. मोबाइलमध्ये आरोग्य सेतू App असणे गरजेचे 6. थर्मल स्क्रिनिंग करणे आवश्यक. केवळ लक्षणे नसणाऱ्या व्यक्तींना प्रवेश दिला जाईल 7. स्वत:च्या आरोग्याचे निरिक्षण आणि कोणत्याही आजार असल्यास त्याबाबत अहवाल देणे 8. वेगवेगळ्या स्क्रीनसाठी वेगवेगळ्या वेळा असणे आवश्यक 9. पेमेंट करताना डिजिटल पद्धतींना प्रोत्साहन 10. बॉक्स ऑफिस आणि इतर भागात नियमित स्वच्छता, डिसइन्फेक्शन करावे 11. बॉक्स ऑफिसवर आवश्यक काऊंटर उघडली जावी 12. मध्यांतराच्या वेळी प्रेक्षकांनी गर्दी टाळावी 13. सोशल डिस्टंन्सिंगसाठी बॉक्स ऑफिसमध्ये जागोजागी मार्किंग केले जावे 14. तिकिट खरेदी पूर्ण दिवस सुरू असावी, गर्दी टाळण्यासाठी आगाऊ तिकिट बुकिंगची सेवा द्यावी 15. थुंकण्यास सक्त मनाई 16. खोकताना, शिंकताना खबरदारी घेणे गरजेचे 17. पॅकेज्ड फूड आणि पेयं घेण्यास परवानगी, सिनेमागृहामध्ये फूड डिलीव्हरीला परवानगी नाही 18. खाण्यासाठी मल्टिपल काऊंटर उपलब्ध असावेत 19. सिनेमागृहातील स्टाफसाठी आवश्यक सुरक्षा असणे गरजेचे. उदा. ग्लोव्ह्ज, मास्क, पीपीई इ. 20. कॉन्टॅक्ट ट्रॅकिंगसाठी मोबाइल नंबर देणे आवश्यक 21. बॉक्स ऑफिसवर आवश्यक काऊंटर असणे गरजेचे 22. कोव्हिड-19 संदर्भातील अनियंत्रित वर्तन कठोरपणे हाताळले जावे 23. हॉलमधील एसीचे तापमान 24 ते 30 अंश सेल्सिअस असावे 24. सिनेमा सुरू होण्याआधी, मध्यांतरावेळी आणि सिनेमां संपल्यावर मास्क घालण्याबाबत, फिजिकल डिस्टंसिंगबाबत आणि हायजिनबाबत घोषणा केली जावी. 25. पार्किंगच्या ठिकाणी  आणि सिनेमागृहाबाहेर गर्दी योग्य पद्धतीने हाताळली जावी 26. Do's and Don'ts सिनेमागृहाच्या आवारात विविध ठिकाणी लावण्यात यावेत 27. एखादी व्यक्ती पॉझिटिव्ह झाल्याचे आढळून आल्यास परिसरात डिसइन्फेक्शन प्रक्रिया पूर्ण करणे आवश्यक 28. याठिकाणी कर्मचारी 'हाय रिस्क'वर असल्याने, त्यांचा थेट लोकांशी संपर्क टाळावा