जे घरं कमवलं, तिथेच घेतला शेवटचा श्वास, सुशांतचा मृतदेह नेतानाचा शेवटचा VIDEO

मुंबई, 14 जून :  महेंद्र सिंग धोणीची भूमिका मोठ्या पडद्यावर साकारणारा अभिनेता सुशांत सिंह राजपूत याने आत्महत्या केल्यामुळे एकच खळबळ उडाली आहे. सुशांतने घेतलेल्या अचानक एक्झिटमुळे बॉलिवूडनगरीला मोठा धक्का बसला आहे. आज दुपारी सुशांतने आपल्या वांद्रे येथील राहत्या घरी गळफास घेऊन आत्महत्या केली. आत्महत्येपूर्वी त्याच्या घरी त्याचे मित्रही आले होते. दुपारी तो आपल्या खोलीत गेला, त्यानंतर त्याने गळफास घेऊन आत्महत्या केली. घरातील नोकराला सुशांतने गळफास घेतल्याचं आढळून आलं. घटनेची माहिती मिळताच पोलिसांनी सुशांतच्या घरी धाव घेतली.

#SushantSinghRajput सुशांत सिंह राजपूतची राहत्या घरी गळफास घेऊन आत्महत्या, पोलिसांनी घेतला मृतदेह ताब्यात #SushantSinghRajput #SushantSingh pic.twitter.com/0fiJ6SW5qA

— News18Lokmat (@News18lokmat) June 14, 2020

पोलिसांनी सुशांतचा मृतदेह ताब्यात घेतला आहे. सुशांतचा मृतदेह शवविच्छेदनासाठी शासकीय रुग्णालयात पाठवला आहे.  पोलिसांनी घटनास्थळाची पाहणी केली असता कोणतीही सुसाईट नोट आढळली नाही, असं पोलिसांकडून सांगण्यात आलं आहे. प्राथमिक तपासात नैराश्यातून सुशांतने आत्महत्या केली, असावी असा अंदाज वर्तवला जात आहे. सुशांतची सुसाईड नोट नाही, पण आत्महत्या प्रकरणाची अशी होणार चौकशी गेल्या काही दिवसात बॉलिवूडला एकामागोमाग एक धक्के बसत आहेत. अनेक मोठ्या सेलेब्रिटींनी अनपेक्षितपणे जगाचा निरोप घेतला आहे. सुरुवातीला इरफान खान आणि ऋषी कपूर यांनी दुर्धर आजाराशी झुंज देत शेवटी हार पत्करली. त्यानंतर साजिद- वाजिद या संगीतकार जोडीतले वाजिद खान यांचं कोरोनाव्हायरसमुळे निधन झालं. सुशांतच्या आत्महत्येमुळे हिंदी फिल्म इंडस्ट्रीला धक्का बसला आहे. अनेकांनी हा मोठा धक्का असल्याची प्रतिक्रिया दिली आहे. संपादन - सचिन साळवे