सनी लिओनला कर्नाटकात येऊ देऊ नका, कन्नड रक्षण वेदिकेचं आंदोलन

कन्नड संघटनेच्या विरोधानंतरही सनी लिओन ३ नोव्हेंबर रोजी बंगळुरूमध्ये एका कार्यक्रमात सहभागी होणार आहे

News18 Lokmat | Updated On: Oct 22, 2018 08:35 PM IST

सनी लिओनला कर्नाटकात येऊ देऊ नका, कन्नड रक्षण वेदिकेचं आंदोलन

संदीप राजगोळकर, प्रतिनिधी

बंगळुरू, 22 आॅक्टोबर : बाॅलिवूडची अभिनेत्री सनी लिओन विरोधात कन्नड रक्षण वेदिका संघटनेनं आंदोलन केलंय. आंदोलकांनी सनी लिओनचे पोस्टर जाळून निषेध व्यक्त केला. तसंच सनी लिओनला बंगळुरूमध्ये येऊ देऊ नका अशी मागणीही केलीये.

"वीर महादेवी" या तमिळ चित्रपटात सनीची मुख्य भूमिका आहे. सनीने वीर महादेवीची भूमिका साकारल्यामुळे कन्नड रक्षण वेदिका संघटनेनं आक्षेप घेतलाय.

त्यामुळे आज सोमवारी टाऊल हॉल इथं कन्नड रक्षण वेदिका संघटनेच्या कार्यकर्त्यांनी सनी लिओनच्या विरोधात जोरदार घोषणाबाजी करत पोस्ट जाळले. तसंच सनी लिओनला कर्नाटकमध्ये पाय येऊ देऊ नका असा विरोधही संघटनेनं केलाय.

कन्नड संघटनेच्या विरोधानंतरही सनी लिओन ३ नोव्हेंबर रोजी बंगळुरूमध्ये एका कार्यक्रमात सहभागी होणार आहे. पोलिसांनीही सनी लिओनला या कार्यक्रमात सहभागी होण्यासाठी परवानगी दिलीये.

वीरामादेवी एक योद्धा होती आणि सनी लिओनने वीरामादेवींची भूमिका साकारून अपमान केलाय असं कन्नड संघटनेचं म्हणणंय.

===================================================================

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Oct 22, 2018 06:13 PM IST
Loading...

ताज्या बातम्या

Loading...