Sonalee Kulkarni: लंडनच्या टॉवर ब्रिजवर अप्सरांनी केलं सिनेमाचं कलरफुल प्रमोशन, पाहा Video

मुंबई 4 जुलै: सध्या मराठीमध्ये एक नवं वादळ येण्याच्या मार्गावर आहे. महाराष्ट्राने राजकीय झुंज तर अनुभवली आता एक दोन पत्रकारांमधली झुंज घेऊन संजय जाधव 15 जुलै रोजी ‘तमाशा live’ (Tamasha Live marathi movie) दाखल होणार आहेत. प्रसार माध्यमांमध्ये काम करणाऱ्या दोन पत्रकारांमध्ये एक खूप मोटजी झुंज या चित्रपटात पाहायला मिळणार आहे. या सिनेमाचा आजच ट्रेलर प्रदर्शित झाला आहे. ट्रेलरसोबत सध्या या सिनेमाचं चालू असणार unique प्रमोशन सगळ्यांचं लक्ष वेधून घेत आहे. या सिनेमात सोनाली कुलकर्णी (Sonalee Kulkarni) आणि सचित पाटील (Sachit Patil) हे पत्रकारांची भूमिका साकारताना दिसणार आहेत. पत्रकारिता क्षेत्रात चालू असणारी चढाओढ म्यूजिकल पद्धतीने मांडली असल्याचं सिनेमात दिसत आहे. या सिनेमाच्या प्रमोशनसाठी सोनाली चक्क न्यूज अँकर सुद्धा झाली होती. तसंच चंद्रमुखी चित्रपटातनंतर ‘तमाशा live’ सिनेमाचं गाणं ट्रेंड मध्ये असल्याचं पाहायला मिळत आहे. सध्या सगळ्या प्रेक्षकांना या ‘रंग लागला’ गाण्याने भुरळ पाडल्याचं दिसत आहे. खुद्द सोनाली सुद्धा रंग लागला गाण्यावर अनेकांसोबत गिरकी चॅलेंज घेताना दिसली. पण आता ही महाराष्ट्राची अप्सरा महाराष्ट्र सोडून चक्क लंडनच्या टॉवर ब्रिजवर हे गिरकी चॅलेंज करताना दिसत आहे. (Sonalee Kulkarni and Phulawa Khamkar) सोनाली कुलकर्णीने हे चॅलेंज प्रसिद्ध डान्स कोरिओग्राफर फुलवा खामकरसोबत परफॉर्म केलं आहे.

View this post on Instagram

A post shared by Sonalee Kulkarni (@sonalee18588)

सोनाली आणि फुलवा यांचे संबंध अप्सरा आली या गाण्यापासून जुळले आहेत. सध्या या दोन अप्सरांना लंडनमध्ये अफलातून नृत्य करताना पाहून फॅन्स सुद्धा त्यांचं कौतुक करताना दिसत आहेत. हे ही वाचा- Tamasha Live Trailer: 'तमाशा लाईव्ह'चा ट्रेलर प्रदर्शित! समोर आले सिनेमातील नवे चेहरे लंडनच्या धर्तीवर मराठी मुलींचा हा कल्ला एकदम पाहणायसारखा आहे. सोनाली आणि फुलावाच्या या कलरफुल प्रमोशनची तुफान चर्चा होताना दिसते आहे. त्यांचे भन्नाट कॉस्च्युमसुद्धा सगळ्यांचं लक्ष वेधून घेत आहेत. फुलवा आणि सोनाली या दोघीनी घेर असलेला रंगीत घागरा परिधान केला आहे. सध्या ‘रंग लागला’ गाण्याचा एक हॅशटॅग भलतंच फेमस होत असल्याचं पाहायला मिळत आहे. इंडस्ट्रीतल्या अनेकांनी या गाण्यावर आपले ठुमके लावले आहात. तसंच अनेक इन्स्टाग्राम influencer सुद्धा सोनालीसमवेत अनेकदा या गाण्यावर थिरकताना दिसले आहेत. संजय जाधव यांची शैली इंडस्ट्रीत बरीच पसंत केली जाते. संजय जाधव यांचा हा ग्रँड म्यूजिकल सिनेमा काय गुपितं उलगडतो हे 15 जुलैलाच पाहावं लागेल.