VIDEO: घराचं रक्षण करणार शहामृग चावला भाऊच्या आजीला, भन्नाट किस्सा ऐकून श्रेया बुगडेची देखील झाली बत्ती गुल

मुंबई, 03 जून:  आपल्या घराचं संरक्षण करणारा प्राणी म्हणजे कुत्रा. कुत्रा हा इमाने इतबार आपलं काम करुन आपल्या मालकाचं आणि त्याच्या घराचं सरक्षण करतो. पण तुम्हाला जर कोणी सांगितलं की एक शहामृह घराचं रक्षण करतो तर. चकीत झालात ना. पण घराचं रक्षण करण्यासाठी अहो आपल्या भाऊने चक्क शहामृग पाळला. शहामृग पाळल्यानंतर व्हायला नको तेच झालं. शहामृग भाऊच्या आजीला चावलं आणि आजीचा चक्क मृत्यू झाला. आता ही गोष्ट वाचून तुम्हाला एखाद्या शोची स्क्रिप्ट वाटेल. तर हो, ही स्क्रिप्टच आहे चला हवा येऊ द्याच्या धम्माल स्किटची. झी मराठीवरील चला हवा येऊ द्या या कार्यक्रमात येत्या आठवड्यात होणाऱ्या ड्रामाने प्रेक्षक लोटपोट होणार आहे. स्वत: श्रेया बुगडेचीही भाऊच्या कॉमेडीवर बत्ती गुल झाली आहे. चला हवा येऊ द्याच्या येत्या भागात भाऊ कदम त्याच्या आजीच्या मृत्यूची धम्माल गोष्ट सांगणार आहे. आजीने घराच रक्षण करण्यासाठी आणलेला शहामृग आजीला कसा चावला याचा भन्नाट किस्सा भाऊ सांगणार आहे. जो ऐकून श्रेयाचीही बत्ती गुल होणार आहे.

View this post on Instagram

A post shared by Shreya Bugde Sheth (@shreyabugde)

रोजच्या धकाधकीच्या थकाथकीच्या आयुष्यातून विरंगुळा मिळतो तो टेलिव्हिजनमधून आणि टेलिव्हिजनवरचा प्रेक्षकांना हसवणारा सर्वांचा लाडका कार्यक्रम म्हणजे चला हवा येऊ द्या. चला हवा येऊ द्या हा कार्यक्रम गेली अनेक वर्ष प्रेक्षकांचं खळखळून मनोरंजन करत आहे. प्रेक्षकांना हसवण्याचा उचलेला विडा हवा येऊ द्याच्या विनोदविरांनी तसाच कायम ठेवला आहे. दर आठवड्याला एक नवा शो, एक नवी कॉन्स्पेस्ट आणि नवी विनोद घेऊन हे विनोदवीर प्रेक्षकांचं मनोरंजन करत असतात. या आठवड्यातही प्रेक्षकांनी हसवण्यासाठी विनोदवीर नवी कॉमेडी घेऊन येत आहेत. श्रेया बुगडे ही हवा येऊ द्याची लेडी डॉन असल्याचं म्हटलं जातं. श्रेयाने कार्यक्रमाविषयी, कलाकारांविषयी एक पोस्ट लिहित येता एपिसोड शेअर केला आहे. श्रेयानं पोस्टमध्ये म्हटलंय, 'वेड वेड वेड... मला नेहमीच असे वाटते की, चला हवा येऊ द्याच्या रंगमंचावर इतकी वर्ष दिग्दर्शक, अभिनेते, लेखक आणि  टीमबरोबर काम करताना मी स्वत:ला खूप भाग्यवान समजते'. तर श्रेयाने आणखी एक व्हिडीओ शेअर केलाय ज्यात ती मी कात टाकली या गाण्यावर डान्स करताना दिसतेय. तर दुसरीकडे कुशल बद्रिकेही त्याच्या हटके स्टाईलने गाण्याचीची पुढची ओळ पूर्ण करतो. कुशलच्या या डान्स स्टेप्सनं मंचावर एकच हशा पिकतो.