सलमानने पुन्हा दिला मदतीचा हात; सिने कामगारांच्या खात्यात जमा केले पैसे

मुंबई 26 जून : अभिनेता सलमान खान (Salman Khan) हा नेहमीच गरजूंच्या मदतीला धावून जातो. याआधीही सलमानने अनेकदा अनेकांना मदतीचा हात पुढे केला आहे. तर कोरोना काळातही त्याने अनेकांची मदत केली. तर आता त्याने सिने कामगारांच्या (Cine workers) खात्यात काही रक्कम जमा केली आहे. सलमानने लॉकडाऊन (Lockdown) दरम्यान अनेक प्रकारची मदत केली तसेच काही सिने कामगारांनाही मदतीचा हात दिला होता. पण पुन्हा लॉकडाऊन झालं आणि चित्रीकरण पुन्हा एकदा ठप्प झालं. यामुळे या कामगारांवर पुन्हा एकदा वाईट वेळ आली. तेव्हा सलमानने या कामगारांच्या खात्यात प्रत्येकी 1500 रुपये जमा केले आहेत.

View this post on Instagram

A post shared by Salman Khan (@beingsalmankhan)

फेडरेशन ऑफ वेस्टर्न इंडिया सिने वर्कर्सचे प्रेसिडेंट  बी एन तिवारी यांनी सलमानच्या या मदतीची माहिती दिली. टाईम्स ऑफ इंडियाशी बोलताना ते म्हणाले, “सलमान अगदी सुरुवातीपासूनच म्हणजेच (corona) कोरोनाची नुकतीच सुरुवात झाली होती तेव्हा पासून आमची मदत करत आहे. या आधीही त्याने सहकार्य केलं होतं.”

‘दोन्ही डोस घेतले आता मास्क लावणार नाही’; अनुपम खेर यांचा अजब निर्णय

पुढे ते म्हणाले, “सलमान खान बॉलीवूड इंडस्ट्रीचा मोठ्या मनाचा स्टार आहे,जो नेहमी लोकांची मदत करण्यसाठी पुढे येतो. जेव्हा कोणालाही गरज असते तो सर्वात आधी मदत करतो.”

View this post on Instagram

A post shared by Salman Khan (@beingsalmankhan)

सलमानने काही महिन्यांपूर्वी गरजूंना जेवण वाटप केलं होतं तर ऑक्सिजनची गरज असणाऱ्यांना मोफत ऑक्सिजन कॉन्स्ंट्रेटर्स वाटले होते. सलमानच्या चाहत्यांनी त्याच्या या कामाचं कौतुकही केलं आहे. अभिनेता सोनू सूदही (Sonu Sood) मागील वर्षभरापासून लोकांची मदत करत आहे. तर अजूनही त्याचं मदतकार्य सुरूचं आहे. निरनिराळ्या प्रकारे तो लोकांची मदत करत आहे. कोणाला शैक्षणिक तर कोणाला आर्थिक तर कोणाला वैद्यकीय मदत तो सातत्याने करत आहे.