Salman Khan Towel Auction :'जीने के हैं चार दिन' सलमान खानच्या त्या टॉवेलचा झाला लिलाव, किंमत ऐकून व्हाल थक्क..!

मुंबई, 01 सप्टेंबर : बॉलिवूड अभिनेता सलमान खानचे (salman khan) चाहते जगभरात सर्वत्र आहेत. त्याच्या चित्रपटांचा एक वेगळा वर्ग आहे. सलमानच्या अनेक प्रसिद्ध चित्रपटांपैकीच 'मुझसे शादी करोगी' या चित्रपटाची बऱ्याच वर्षांनंतरही चर्चा होत आहे. या चित्रपटातील त्याच्या 'जीने के है चार दिन' गाण्याबद्दल काही माहिती नुकतीच समोर आली आहे. डेव्हिड धवन (david dhawan) दिग्दर्शित या चित्रपटात प्रियांका चोप्रा आणि अक्षय कुमार यांनीही काम केले होते. या चित्रपटातील 'जीने के है चार दिन' या गाण्यात सलमान खानने वापरलेल्या टॉवेलचा नंतर लिलाव करण्यात आला होता आणि त्यासाठी निश्चित केलेली किंमत ऐकून काहींना आश्चर्य वाटेल.

View this post on Instagram

A post shared by Salman Khan (@beingsalmankhan)

सलमानचा तो टॉवेल विकला गेला सूत्रांच्या माहितीनुसार, सलमान खानच्या 'जीने के हैं चार दिन' टॉवेलचा लिलाव 1,42,000 रुपयांना झाला. ही किंमत अनेकांसाठी आश्चर्य करणारी आहे. पण, वास्तविकता अशीही आहे की, ज्याला सलमान खान आवडतो तो त्याच्याशी संबंधित गोष्टी कोणत्याही किंमतीला खरेदी करण्यास तयार असतो. त्यामुळं त्याच्या अशा एखाद्या चाहत्यानं तो टॉवेल लिलावात खरेदी केल्याचे सांगण्यात येत आहे. हे वाचा - Amazonच्या नव्या CEOची मोठी घोषणा! जगभरातील 55,000 लोकांना देणार जॉब  साजिद नाडियाडवाला निर्मित 'मुझसे शादी करोगी' हा चित्रपट 2004 मध्ये प्रदर्शित झाला होता. अमरीश पुरी, कादर खान, सतीश शाह आणि राजपाल यादव यांनीही चित्रपटात काम केले होते. हे वाचा - VIDEO : ऑनलाइन बैठकीदरम्यान मुलाने केलं असं कृत्य; महिला मंत्रीला सर्वांसमोर मागावी लागली माफी सलमान खान अलीकडेच रशियामध्ये कॅटरिना कैफसोबत 'टायगर - 3' चे शूटिंग करत होता. यानंतर, असे वृत्त समोर आले की, शूटींग तुर्कीला हलवले गेले आहे. त्याची चांगली मैत्रिण युलिया वंतूर देखील इस्तंबूलमध्ये त्याच्यासोबत आहे. अभिनेता इम्रान हाश्मी देखील 'टायगर 3'चा एक भाग आहे आणि त्याचा लूक इंटरनेटवर चांगलाच व्हायरल होत आहे. एवढेच नाही तर सलमान खानचा भाचा आणि सोहेल खानचा मुलगा निरवान खान हेही रशियामध्ये सलमान खानसोबत दिसले आहेत.