S M L

#MeToo अक्षयच्या दबावानंतर अखेर साजिद खान हाऊसफूल-४ मधून बाहेर

चित्रपट दिग्दर्शक साजिद खानवर महिला पत्रकाराने लैंगिक छळाचा आरोप केल्यानंतर अक्षयकुमारनं हाऊसफूल-४ सिनेमाचं शुटिंग थांबवण्याचा निर्णय घेतला. या दबावामुळे आता साजिदनंही या चित्रपटाचा दिग्दर्शक म्हणून माघार घेलतीय.

Updated On: Oct 12, 2018 05:20 PM IST

#MeToo अक्षयच्या दबावानंतर अखेर साजिद खान हाऊसफूल-४ मधून बाहेर

मुंबई, 12 ऑक्टोबर : #Metoo हे प्रकरण सध्या बरंच चर्चेत असताना बॉलिवूडमधून अनेक कलाकारांवर आरोप प्रत्यारोप केले जात आहेत. लैंगिक छळ केल्याच्या घटना रोज नव्यानं घडत असताना बॉलिवूडमधील दिग्दर्शक साजिद खानवर एका महिला पत्रकाराने आरोप केला आहे. साजिद खानने आक्षेपार्ह व्यवहार केल्याचा आरोप करत त्यासंबंधित संपूर्ण घटना सांगण्यात आली आहे. या आरोपांवर साजिद खान यांनी हाऊसफूल-4 या चित्रपटाचं शूटिंग थांबवण्यात आलं आहे. संपूर्ण घटनेचा तपास पूर्ण होईपर्यंत चित्रपटाचं काम बंद करण्याचा निर्णय साजिद खान यांनी घेतलाय.

या प्रकरणी अक्षयकुमारला माहिती मिळाल्यावर त्याने निर्मात्यांना हाऊसफूल-4 या चित्रपटाचं शूटिंग थांबवण्याची विनंती केली. हाऊसफूल-4 चित्रपटात अक्षय मुख्य भूमिकेत असून साजिद खान या सिनेमाचं दिग्दर्शन करत आहेत. साजिद खानवर केलेल्या आरोपाचा निर्णय जोपर्यंत लागत नाही तोपर्यंत मी चित्रपटात काम करणार नसल्याचं स्पष्टीकरण अक्षयकुमारने ट्विटरच्या माध्यमातून दिलं आहे. तसंच या प्रकरणाचा तपास करून योग्य न्याय करावा, अशी विनंती अक्षयकडून करण्यात आली.

Loading...

दरम्यान, #MeToo मोहिमेअंतर्गत अनेक महिला आपल्यावर झालेल्या अन्यायाविरोधात पुढे येऊन बोलत आहेत. या सगळ्या प्रकरणांची सुनावणी करण्यासाठी लवकरच एक न्यायिक समिती गठित करण्यात येणार आहे.

महिला आणि बालविकास मंत्री मनेका गांधी यांनी शुक्रवारी पीटीआयला दिलेल्या मुलाखतीत ही माहिती दिली. गेल्या काही दिवसात सोशल मीडियाच्या माध्यमातून #MeToo या हॅशटॅगसह अनेक महिलांनी आपलं लैंगिक शोषण किंवा छळ कसा झाला याविषयी पुढे येऊन सांगितलं आहे. या सगळ्या तक्रारींवर आपला विश्वास आहे आणि यावर सुनावणी झालीच पाहिजे, अशी आपली भूमिका असल्याचं मनेका गांधी म्हणाल्या.

या संदर्भात जनसुनवाई करण्यासाठी ज्येष्ठ विधीज्ञ, न्यायमूर्ती यांची 4 सदस्यीय समिती नेमण्याची शिफारस मंत्रालयाने केली आहे, असं त्यांनी सांगितलं.

काँग्रेस अध्यक्ष राहुल गांधी यांनी यासंदर्भात आज ट्वीट करून आपली भूमिका स्पष्ट केली. सोशल मीडियावरच्या या मोहिमेला पाठिंबा देताना राहुल गांधी यांनी लिहिलंय की, सत्य बाहेर आलंच पाहिजे. ते खड्या आवाजात स्पष्टपणे मांडायलाच हवं. स्त्रियांना आदरपूर्वक आणि प्रतिष्ठेची वागणूक मिळायलाच हवी, असंही त्यांनी ट्विटरवर लिहिलंय.

#MeToo मोहिमेत आज आणखी काही चित्रपट क्षेत्रातल्या पुरुषांविरोधात महिलांनी तक्रारी नोंदवल्या आहेत. त्यामध्ये चित्रपट दिग्दर्शक आणि निर्माते सुभाष घई याचं नावही आलं आहे. आमीर खान आणि अक्षय कुमार यांनी स्त्रियांची छळवणूक करणाऱ्या चित्रकर्त्यांबरोबर किंवा सहकलाकारांबरोबर काम न करण्याची भूमिका स्पष्ट केली आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Oct 12, 2018 05:20 PM IST
Loading...

लोकप्रिय बातम्या

Live TV

News18 Lokmat
close