8 महिन्यानंतर रियानं पोस्ट केला हा PHOTO; मेसेज पाहून चाहते झाले भावूक

मुंबई 8 मार्च: अभिनेता सुशांत सिंह राजपूत (Sushant Singh Rajput) मृत्यू प्रकरणी अभिनेत्री रिया चक्रवर्तीला (Rhea Chakraborty) जबाबदार धरलं जात होतं. सुशांतचे वडील के. के. सिंह यांनी रियाविरोधात पोलीस तक्रार देखील केली होती. या तक्रारीमुळं सुशांत प्रकरणाला वेगळंच वळण लागलं. बॉलिवूड घराणेशाहीवरुन सर्वांच लक्ष रियाकडे वळलं. त्यानंतर एनसीबीनं देखील ड्रग्ज प्रकरणात तिला अटक केली होती. या संपूर्ण वादग्रस्त प्रकरणादरम्यान रिया शांत होती. परंतु अखेर तिनं मौन सोडलं आहे. तिनं तब्बल आठ महिन्यांनंतर सोशल मीडियावर एक पोस्ट शेअर केली आहे. (Rhea Chakraborty comeback on Instagram) सध्या ही पोस्ट सर्वांचंच लक्ष वेधून घेत आहे. रियानं इन्स्टाग्रामवर आपल्या आईसोबतचा एक फोटो शेअर केला आहे. या फोटोमध्ये केवळ दोघांचे हात दिसत आहेत. “आईनं मला ताकत दिली, विश्वास दिला, धैर्य दिलं. प्रतिकूल परिस्थितीत ती माझ्या पाठिमागे ठामपणे उभी राहीली.” अशा आशयाची पोस्ट लिहून तिनं देशातील सर्व महिलांना जागतिक महिला दिनाच्या (International Women's Day) शुभेच्छा दिल्या आहे. तिची ही पोस्ट सध्या सोशल मीडियावर चर्चेत आहे. काही तासांत हजारो नेटकऱ्यांनी यावर आपल्या प्रतिक्रिया दिल्या आहेत. अवश्य पाहा - सुशांत प्रकरणात नवा ट्विस्ट; NCBनं रियाविरोधात दाखल केलं 30 हजार पानी आरोपपत्र

View this post on Instagram

A post shared by Rhea Chakraborty (@rhea_chakraborty)

सुशांत प्रकरणात रियाची अद्याप निर्दोष सुटका झालेली नाही. या प्रकरणात आता एक नवा ट्विस्ट आला आहे. एनसीबीनं न्यायालयासमोर 30 हजार पानांचं आरोपपत्र दाखल केलं. एनसीबीचे प्रमुख समीर वानखेडे यांनी स्वतः हे आरोपपत्र सादर केलं. या आरोपपत्रात रिया चक्रवर्ती आणि तिच्या भावासोबतच आणखी 30 जणांनी नावं आहेत. शिवाय या प्रकरणी काही ड्रग्ज पेडलर्सला देखील एनसीबीनं अटक केली आहे. 14 जून 2020 रोजी सुशांत सिंह राजपूतचा मृतदेह संशयास्पद आढळून आला होता. त्यानंतर एम्स रुग्णालयाकडून सुशांतच्या मृत्यूचं नेमकं कारण शोधण्यासाठी प्रयत्न सुरु होता. यासाठी डॉक्टर सुधीर गुप्ता यांच्या नेतृत्त्वाखाली तज्ञ डॉक्टरांची एक टीम तयार करण्यात आली होती. डॉक्टरांच्या टीमनं दिलेल्या माहितीनुसार सुशांतनं आत्महत्या केली होती. हा रिपोर्ट सीबीआयकडे देखील सोपवण्यात आला. सीबीआयने एम्स रुग्णालयाकडे पोस्टमॉर्टम तसंच व्हिसेरो रिपोर्टचा अभ्यास करण्याची विनंती केली होती. एम्स डॉक्टरांनी दिलेली माहिती आणि सीबीआय तपासात समोर आलेल्या गोष्टी एकत्र करुन पडताळून पाहिल्या जात आहेत.