रामायणमधील सीता सरकारवर नाराज; लॉकडाउनमुळं घरातच साजरा करावा लागतोय वाढदिवस

रामायणमधील सीता सरकारवर नाराज; लॉकडाउनमुळं घरातच साजरा करावा लागतोय वाढदिवस

गेल्या वर्षीचा वाढदिवस लॉकडाउनमध्ये गेला अन् यावेळी देखील तिच परिस्थिती उद्भवली आहे त्यामुळं देबिना काहीशी नाराज आहे.

  • Share this:

enteमुंबई 18 एप्रिल: देबिना बॅनर्जी (Debina Bonnerjee) ही छोट्या पडद्यावरील एक नामांकित अभिनेत्री म्हणून ओळखली जाते. रामायण (Ramayan) या मालिकेमुळं ती खऱ्या अर्थानं घराघरात पोहोचली. आज तिचा वाढदिवस आहे. 38 व्या वाढदिवसाच्या निमित्तानं देशभरातील चाहत्यांनी तिच्यावर शुभेच्छांचा वर्षाव केला आहे. मात्र आपल्या वाढदिवशी देबिना बिलकूल खुश नाही. कारण लॉकडाउनमुळं घरातच राहून तिला आपल्या वाढदिवस साजरा करावा लागत आहे. (Coronavirus lockdown) गेल्या वर्षीचा वाढदिवस लॉकडाउनमध्ये गेला अन् यावेळी देखील तिच परिस्थिती उद्भवली आहे त्यामुळं देबिना काहीशी नाराज आहे.

देबिनानं अलिकडेच दिलेल्या एका मुलाखतीत महाराष्ट्र सरकारनं जारी केलेल्या लॉकडाउनवर आपली काहीशी नाराजी व्यक्त केली होती. “या लॉकडाउनमुळं माझा वाढदिवस घरातच साजरा होणार आहे. अर्थात सरकारचा निर्यण योग्य आहे. कोरोनाचा प्रसार वाढतोय. पण वाढदिवस देखील वर्षातून एकदाच येतो पण यावेळी देखील कुटुंबीयांशिवाय तो साजरा करावा लागणार आहे.” अशी खंत तिनं व्यक्त केली. पण सोबतच लॉकडाउन संपताच ती कुटुंबीयांना जाऊन भेटणार अन् त्यांच्यासोबत पुन्हा एकदा वाढदिवस साजरा करणार असा निश्चय तिनं केला आहे.

अवश्य पाहा - पहिल्याच चित्रपटात पूनम ढिल्लोन यांनी शशी कपूर यांना मारली होती थोबाडीत; कारण...

लॉकडाउनमध्ये कुठल्या सेवा सुरु आहेत?

  1. रुग्णालय, लॅब, क्लिनिक, लसीकरण, मेडिकल इन्शुरन्सची कार्यालये, फार्मसी, औषध कंपन्या, यासाठी लागणाऱ्या सामानाचे डिलर, त्यांची वाहतूक, पुरवठा, लसींचं उत्पादन आणि पुरवठा, सॅनिटायझर्स, मास्क, वैद्यकीय उपकरणे, त्यांच्यासाठीचा कच्चा माल यांचं उत्पादन करणाऱ्या कंपन्यांचा यात समावेश होतो. त्याशिवाय, प्राण्यांचे दवाखाने, अन्नपदार्थांची दुकाने इ.
  2. किराणाची दुकानं, भाजीपाला, फळविक्रेते, दूध डेअरी, बेकरी आणि इतर अन्नपदार्थांची दुकानं, शीतगृहे. विमान वाहतूक, रेल्वे वाहतूक, टॅक्सी, ऑटो रिक्षा आणि सार्वजनिक बस वाहतूक या सार्वजनिक वाहतूक व्यवस्था. फक्त जीवनावश्यक वस्तू आणि सेवा पुरवण्यासाठी ई-कॉमर्सची सेवा.
  3. उत्पादन पूर्व आणि उत्पादनानंतरच्या पुरवठा इ. प्रक्रियेशी निगडित शेतीशी संबंधित सर्व कामे या काळात सुरू राहतील.
  4. शासनमान्य माध्यमांशी संबंधित सर्व व्यवहार आणि कामांचा या सेवांमध्ये समावेश करण्यात आला आहे.

Published by: Mandar Gurav
First published: April 18, 2021, 10:39 AM IST

ताज्या बातम्या