बाॅक्स आॅफिसवर पहिल्याच दिवशी 'रेस 3' सर्वात पुढे

मुंबई, 17 जून : दरवर्षी ईदच्या मुहुर्तावर सिनेमा आणून धमाल उडवून टाकणाऱ्या सलमानसाठी हे वर्षही नवीन नाही. त्याचा नवीन सिनेमा रेस 3 ईदच्या मुहुर्तावर रिलीज झाला आणि त्याला चांगलं ओपनिंगही मिळालं. हा सिनेमा ह्या वर्षीचा सर्वात मोठा ओपनर ठरला. रेमो डिसुझाच्या दिग्दर्शनात बनलेल्या ह्या सिनेमाने पहिल्याच दिवशी 29 करोडची कमाई केली.

याआधी ह्या वर्षाच्या मोठी ओपनिंग करण्याचा रेकॉर्ड बागी 2 सिनेमाच्या नावावर होता. सिनेमा अॅनालिस्ट तरण आदर्शच्या ट्वीटनुसार, 'रेस3'ने पहिल्याच दिवशी 29.17 करोडची कमाई केली आहे. सिनेमा ईदच्या एक दिवसआधी प्रदर्शित होऊन देखील सिनेमाला खूप फायदा झाला.

#Race3 hits the ball out of the park on Day 2 [Sat]... #Eid festivities give MASSIVE BOOST to its biz... Day 3 [Sun] should score BIG NUMBERS yet again... ₹ 100 cr weekend on the cards... Fri 29.17 cr, Sat 38.14 cr. Total: ₹ 67.31 cr. India biz.

— taran adarsh (@taran_adarsh) 17 June 2018

पहिल्याच आठवड्यात हा सिनेमा 50 करोडपेक्षा जास्त कमाई करेल अशी अपेक्षा आहे. अभिनेता अमीर खानने सुद्धा ट्वीट करून रेस 3 साठी सलमानला शुभेच्छा दिल्या आहेत.

Hi Salman, I haven’t seen it yet, but I am sure that me and my family are going to love Race 3 !

Love you personally and professionally :-) .

I loved the trailer! It’s going to be a blockbuster and break all records!

Love.

a.@BeingSalmanKhan

— Aamir Khan (@aamir_khan) 15 June 2018

रेस-3 हा सलमानच्या ईदच्या मुहुर्तावर रिलीज झालेल्या सिनेमांमध्ये सर्वात जास्त ओपनिंग कलेक्शन करणारा तिसरा सिनेमा ठरला आहे. याआधी सलमानच्या आतापर्यंत सर्वात मोठा ओपनर सिनेमांमध्ये सुलतान (36.54 करोड) आणि एक था टायगर (36.54 करोड) यांचा समावेश आहे. ह्या सिनेमाचे डायलॉग आणि अॅक्शन सिक्वेन्सची सोशल मीडियावर खूप खिल्लीही उडवली जात आहे, तरीदेखील भाईजानच्या फॅन्समध्ये खूप उत्साह आहे.