ऐश्वर्याला पुरस्कार मिळाल्यानंतर काय म्हणाला अभिषेक?

मुंबई, 10 सप्टेंबर : सध्या ऐश्वर्या राय बच्चन सातव्या आसमानात आहे. आणि घडलंयही असंच. वाॅशिंग्टन डीसीमध्ये बच्चन कुटुंब सेलिब्रेशनच्या मूडमध्ये आहे. कारण ऐश्वर्यानं प्रतिष्ठेचा पुरस्कार पटकावलाय.

मेरिल स्ट्रीप या पुरस्कारानं ऐश्वर्याचा सन्मान करण्यात आला. त्याबद्दल ऐश्वर्याचा पती अभिषेक बच्चननं ट्विट करून बायकोचं कौतुक केलंय. तो म्हणतो, ' बायकोचा सन्मान झाला. आमच्या लेकीनं तिला आलिंगन दिलं. आणि तिचा अभिमान असलेला मी त्यांचा फोटो काढतोय.'

ऐश्वर्याच्या या सोहळ्याला तिची आईही उपस्थित होती. टीव्ही आणि सिनेमा यातल्या यशस्वी कामाबद्दल हा पुरस्कार दिला जातो. अभिषेक नेहमीच आपल्या बायकोचं कौतुक करत असतो.

And the Mrs. is awarded the Meryl Streep award for excellence at WIFT. The little one gives her a congratulatory hug, and I look on (to the photo) a very proud husband! pic.twitter.com/tmaICHSa1N

— Abhishek Bachchan (@juniorbachchan) 9 September 2018

फॅनी खान सिनेमाच्या वेळीही अभिषेकनं ऐश्वर्याच्या भूमिकेचं कौतुक केलं होतं. ऐश्वर्या राय बच्चन, अनिल कपूर आणि राजकुमार राव यांची मुख्य भूमिका असलेला फॅनी खान. अभिषेकने आपल्या बायकोचा हा सिनेमा वेळात वेळ काढून पाहिला.