प्रियांका चोप्रा घेऊन येतेय मराठी सिनेमा 'पाणी'

मुंबई, 15 मे : प्रियांका चोप्राच्या प्राॅडक्शनखाली बनलेल्या 'व्हेंटिलेटर' या सिनेमाला प्रचंड यश मिळाल्यानंतर आता ती पुन्हा मराठी सिनेमाच्या निर्मितीकडे वळलीय. आपल्या बॅनरखाली बनणाऱ्या चौथ्या मराठी सिनेमाची घोषणा तिने केलीय. 'पाणी' असं या सिनेमाचं नाव आहे.

या सिनेमाचं दिग्दर्शन आदिनाथ कोठारे करणारे. मराठवाड्यातील नगदरवाडी या दुष्काळग्रस्त खेड्यात राहणाऱ्या सर्वसामान्य माणसाच्या आयुष्यातली कथा आपल्याला या सिनेमात पहायला मिळेल. आदिनाथ कोठारे, ऋचा वैद्य, सुबोध भावे, किशोर कदम, गिरीष जोशी यांच्या या सिनेमात मुख्य भूमिका आहेत.