Home /News /entertainment /

Samantha शी घटस्फोट घेतल्यानंतर Naga Chaitanya ची या अभिनेत्रीशी जमणार 'जोडी'

Samantha शी घटस्फोट घेतल्यानंतर Naga Chaitanya ची या अभिनेत्रीशी जमणार 'जोडी'

नागा चैतन्यची जोडी कोणाबरोबर जमणार याची चर्चा होऊ लागली आहे. यात सर्वांत आघाडीवर आहे ते अभिनेत्री पूजा हेगडे (Pooja Hegade is likely to pair with Naga Chaitanya) हिचं नाव.

मुंबई, 18 फेब्रुवारी: द फॅमिली मॅन 2 मध्ये जबरदस्त परफॉरमन्स दिल्यानंतर, सध्या ब्लॉकबस्टर ठरलेल्या 'पुष्पा : द राइज' चित्रपटात धमाकेदार आयटम सॉंग करणारी समंथा रुथ प्रभू (Samantha Ruth Prabhu) प्रसिद्धीच्या शिखरावर पोहोचली आहे. काही महिन्यांपूर्वी टॉलिवूडचा प्रसिद्ध हिरो नागा चैतन्य (Naga Chaitanya and Samantha Ruth Prabhu Divorce) याच्याबरोबर घटस्फोट घेतल्यानं चर्चेत आलेली समंथा सतत वेगवेगळ्या कारणांनी सोशल मीडियावर गाजत आहे. तिची आणि नागा चैतन्यची जोडी अतिशय लोकप्रिय जोडी म्हणून ओळखली जात होती. त्यांच्या घटस्फोटामुळे फॅन्सना जबरदस्त धक्का बसला. आजही त्यांच्या घटस्फोटामागच्या कारणांची, त्यांच्यातल्या नात्यांची चर्चा होत असते. एकीकडे नातं तुटल्याचा आघात सहन करत असतानाच व्यावसायिक स्तरावर समंथा प्रसिद्धीच्या शिखरावर पोहोचत आहे. नागा चैतन्यची जोडी कोणाबरोबर जमणार याची चर्चा होऊ लागली आहे. यात सर्वांत आघाडीवर आहे ते अभिनेत्री पूजा हेगडे (Pooja Hegade is likely to pair with Naga Chaitanya) हिचं नाव. पण ही जोडी रिअल लाइफमध्ये नव्हे तर रील लाइफमधली आहे. ऋतिक रोशनबरोबर (Hrithik Roshan) 'मोहेंजोदडो' या आशुतोष गोवारीकर दिग्दर्शित चित्रपटातून बॉलिवूडमध्ये (Bollywood) पदार्पण करणाऱ्या पूजा हेगडेनं टॉलिवूडमध्ये (Tollywood) चांगलाच जम बसवला आहे. सर्वाधिक मानधन घेणारी यशस्वी अभिनेत्री म्हणून तिनं आपला ठसा उमटवला आहे.
View this post on Instagram

A post shared by Pooja Hegde (@hegdepooja)

आता 'मनाडू' हा ब्लॉकबस्टर तमिळ चित्रपट दिग्दर्शित केलेल्या व्यंकट प्रभू यांच्या आगामी चित्रपटात नागा चैतन्यसोबत पूजा हेगडे अशी जोडी असेल, अशी जोरदार चर्चा आहे. मनाडूचा हा तेलुगू रिमेक असेल. व्यंकट प्रभू यांचा हा पहिला तेलुगू चित्रपट असेल. यात पूजा हेगडेला हिरॉइन म्हणून घेण्याचा त्यांनी निर्णय घेतला असून, त्या संदर्भात पूजा हेगडेशी संपर्क साधल्याचं वृत्त आहे. यामुळे पूजा दुसऱ्यांदा नागा चैतन्यसोबत झळकणार आहे. याआधी तिनं ‘ओका लैला कोसम’ या तेलुगू चित्रपटामध्ये नागा चैतन्यसोबत काम केलं होतं. हे वाचा-VIDEO: फरहान अख्तर-शिबानी दांडेकरच्या मेहंदी समारंभात थिरकली रिया चक्रवर्ती सूत्रांनी दिलेल्या माहितीनुसार, पूजा हेगडेने नागा चैतन्यसोबत नव्या चित्रपटात काम करण्याची तयारी दर्शवली आहे; मात्र अद्याप या चित्रपटाबाबत कोणतीही अधिकृत घोषणा झालेली नाही. त्यामुळे चाहत्यांना आणखी काही काळ वाट पहावी लागणार आहे. सध्या पूजा हेगडे 'आचार्य'मध्ये रामचरण आणि 'बीस्ट' या तमिळ चित्रपटामध्ये विजयसोबत काम करत असून, तिच्या विजयसोबतच्या गाण्याची सध्या चांगलीच चर्चा आहे.
पूजा हेगडे आणि थलपथी विजयवर चित्रित करण्यात आलेलं 'हलमिथी हबीबो' हे गाणं चांगलंच गाजत असून, समंथाने नुकतंच एअरपोर्टवर या गाण्यावर काही स्टेप्स करून तो व्हिडीओ सोशल मीडियावर शेअर केला आहे. यात तिने पूजा हेगडे आणि विजयलाही तिनं टॅग केलं आहे.
First published:

Tags: Bollywood, Tollywood

पुढील बातम्या