Shahrukh Khan: चिमुरडीला आवडला नाही 'पठाण'; व्हिडिओ पाहिल्यानंतर शाहरुखने तिला दिला हा सल्ला

मुंबई, 05 फेब्रुवारी :    शाहरुख खानच्या 'पठाण' चित्रपटाची क्रेझ त्याच्या चाहत्यांमध्ये रिलीज झाल्यापासून कायम आहे. चार वर्षांनंतर 'पठाण' मधून शाहरुख खानने दमदार पुनरागमन करत सर्वांची मने जिंकली आहेत.  शाहरुख, दीपिका आणि जॉनचा हा चित्रपट दररोज नवनवीन रेकॉर्ड बनवत आहे. आजकाल शाहरुख खान ट्विटर वर चांगलाच सक्रिय झाला आहे. तो त्याच्या चाहत्यांसोबत दिलखुलासपणे गप्पा मारतो. शाहरुख खान देखील ट्विटरच्या माध्यमातून त्याच्या चाहत्यांशी जोडला जातो आणि अनेकदा एसआरके सेशन करून त्यांच्या प्रश्नांची उत्तरे देतो. त्याचवेळी आता किंग खानने एका मुलीला 'पठाण' न आवडल्याच्या व्हिडिओवर प्रतिक्रिया दिली आहे.

एका तरुणाने ट्विटरवर एक व्हिडिओ शेअर केला आहे, ज्यामध्ये तो छोट्या मुलीला विचारतो, 'कोणता सिनेमा पाहिलास आज?' यावर ती छोटी मुलगी 'पठाण' असे उत्तर देते. पण तिला पठाण आवडला का असे विचारल्यावर ती 'नाही' म्हणते. यानंतर तरुणाने याचे कारण विचारते आणि व्हिडिओ संपतो. हा व्हिडिओ शेअर करताना त्या तरुणाने शाहरुख खानला टॅग केले आहे.

हेही वाचा - Pathaan Box Office Collection : बॉलिवूडचा पठाण मोडणार बाहुबलीचा विक्रम? दहाव्या दिवशीची कमाई थक्क करणारी

या व्हिडिओवर शाहरुख खानने आता एक मजेशीर उत्तर दिले आहे, ज्याला सोशल मीडियावर नेटकऱ्यांकडून पसंती मिळत आहे. किंग खानने लिहिले, 'अरे ओह...!! मला अजून जास्त प्रयत्न करावे लागतील. तरुण प्रेक्षकांना निराश करू शकत नाही. शेवटी हा देशातील तरुणांचा प्रश्न आहे. PS: कृपया DDLJ बघून  पहा, कदाचित ते रोमँटिक वाटेल...मुलांना मी ओळखू शकत नाही.'

Oh oh!! Have to work harder now. Back to the drawing board. Can’t let the younger audience be disappointed. Desh ke youth ka sawaal hai. PS: Try DDLJ on her please….maybe she is the romantic types….kids u never know! https://t.co/UBpSnLOZrf

— Shah Rukh Khan (@iamsrk) February 5, 2023

'पठाण' बद्दल बोलायचे तर हा चित्रपट सिद्धार्थ आनंदने दिग्दर्शित केला आहे. या चित्रपटात शाहरुख खान व्यतिरिक्त दीपिका पदुकोण आणि जॉन अब्राहम यांच्या प्रमुख भूमिका आहेत. हा चित्रपट पहिल्या दिवसापासून बॉक्स ऑफिसवर राज्य करत आहे आणि हिंदी चित्रपटांमध्ये आतापर्यंतची सर्वाधिक कमाई करणारा चित्रपट ठरला आहे. चित्रपट प्रदर्शित होऊन 12 दिवस झाले आहेत. त्याच वेळी, उघड झालेल्या सुरुवातीच्या आकडेवारीनुसार, आतापर्यंत 429.40 कोटी रुपये कमावले आहेत.

सिद्धार्थ आनंद दिग्दर्शित 'पठाण' चित्रपटाने अवघ्या 10 दिवसांत इतिहास रचला आहे. हा जगभरात सर्वाधिक कमाई करणारा हिंदी चित्रपट ठरला आहे. शुक्रवारपर्यंत या चित्रपटाने 10 दिवसांत जगभरात 729 कोटी रुपयांचा गल्ला जमवला आहे. अशाप्रकारे शाहरुख खान स्टारर चित्रपटाने आमिर खानच्या 'दंगल'चा 702 कोटी कमाईचा विक्रमही मोडला आहे. 'दंगल'ने जगभरात 2023.81 कोटी रुपयांचे कलेक्शन केले असले तरी, चिनी आणि इतर भाषांचा विचार करता हिंदीमध्ये चित्रपटाचे कलेक्शन 702 कोटी रुपये होते. यासोबतच 'पठाण'ने 10व्या दिवशी रजनीकांत आणि अक्षय कुमार यांच्या '2.0' या चित्रपटाच्या 699.89 कोटी रुपयांच्या लाइफटाईम वर्ल्डवाइड कलेक्शनलाही मागे टाकले आहे. 'पठाण' हा केवळ 10 दिवसांत जगभरात सर्वाधिक कमाई करणारा 8वा भारतीय चित्रपट ठरला आहे.