रानू मंडल नाही तर 'ही' आहे स्टेशनवर गाणं गाणारी पहिली प्लेबॅक सिंगर

रानू मंडल नाही तर 'ही' आहे स्टेशनवर गाणं गाणारी पहिली प्लेबॅक सिंगर

दिग्दर्शक अनुराग कश्यपने सुद्धा अशाच प्रकारे स्टेशनवर गाणाऱ्या एका मुलीला आपल्या सिनेमात गाणं गाण्याची संधी दिली होती.

  • Share this:

मुंबई, 10 नोव्हेंबर : सध्या बॉलिवूड म्युझिक कंपोझर आणि सिंगर हिमेश रेशमिया रेल्वे स्टेशनवर गाणाऱ्या रानू मंडल यांना सिनेमासाठी गाण्याची संधी दिल्यानं खूप चर्चेत आहे. रानू पश्चिम बंगालच्या राणाघाट रेल्वे स्टेशनवर गाणं गाऊन भीक मागत असत. पण एतींद्र चक्रवर्ती नावाच्या एका मुलाने त्यांच्या व्हिडिओ सोशल मीडियावर अपलोड केल्यानंतर हिमेशने त्यांना आपल्या सिनेमात गाण्याची संधी दिली आणि त्यांचं अवघ जीवनच बदलून गेलं मात्र असं करणारा हिमेश पहिलाच बॉलिवूड सेलिब्रेटी नाही याआधी दिग्दर्शक अनुराग कश्यपने सुद्धा अशाच प्रकारे स्टेशनवर गाणाऱ्या एका मुलीला आपल्या सिनेमात गाणं गाण्याची संधी दिली होती.

अनुराग कश्यप दिग्दर्शित सिनेमा' गँग्स ऑफ वासेपुर'ची सर्वत्र खूप चर्चा झाली होती. खासकरून या सिनेमातील गाणं 'दिल छीछलेदर' खूप हिट झालं होतं. उत्तर भारतीय अंदाजातलं हे गाणं मुंबईच्या सायन स्टेशनवर गाणाऱ्या 16 वर्षीय दुर्गानं गायलं होतं. आंध्रप्रदेशची रहिवासी असलेल्या दुर्गाला 2 लहान बहिणी आहेत. आपल्या कुटुंबाचं पोट भरण्यासाठी दुर्गा मुंबईच्या रेल्वे स्टेशनवर गाणी गात असे.

OMG! तीन खोल्यांएवढी मोठी आहे शाहरुखच्या व्हॅनिटी व्हॅनची बाथरुम

रानू मंडल ज्याप्रमाणे राणाघाट रेल्वे स्टेशनवर गाताना एतींद्र चक्रवर्तीला दिसली होती आणि त्याने तिचा व्हिडीओ बनवला. तसंच रेल्वे स्टेशनवर गाणाऱ्या दुर्गाचं टॅलेंट निर्माता आनंद सुरपूर यांनी ओळखलं होतं. त्यांच्यासोबत दुर्गानं 2 वर्षं काम केलं. तसेच त्यांनी दुर्गाचा एक अल्बम सुद्धा रिलीज केला. त्याचवेळी म्युझिक डायरेक्टर स्नेहा खानविलकर दुर्गाच्या आवाजानं प्रभावित झाल्या आणि त्यांनी दुर्गा बद्दल अनुरागला सांगितलं. त्यानंतर 'गँग्स ऑफ वासेपूर'चं गाणं 'दिल छीछालेदर' हे गाणं दुर्गा गाणार असं ठरलं.

फॅमिलीसाठी पुन्हा एकत्र आले अरबाज-मलायका, पाहा PHOTO

4-5 दिवसात रेकॉर्ड झालं होतं दिल छीछालेदर गाणं

टाइम्स ऑफ इंडियाने प्रसिद्ध केलेल्या वृत्तानुसार दुर्गाच्या आवाजातलं दिल छीछालेदर हे गाणं 4 ते 5 दिवसात रेकॉर्ड झालं होतं. म्युझिक कंपोझर स्नेहा खानविलकर आणि त्यांचा भाऊ यांच्या मदतीनं या गाण्याचं रेकॉर्डिंग पूर्ण करण्यात आलं.

या गाण्याच्या अनुभवाविषयी बोलताना दुर्गा म्हणाली होती, मी कधीच विचार केला नव्हता की मी एवढ्या मोठ्या प्लॅटफॉर्मवर गाऊ शकेन. मी खूप खुश आहे आणि मला खूप चांगलंही वाटत आहे.

मराठ्यामोळ्या अभिनेत्रीचा पती आहे बॉलिवूडचा खतरनाक व्हिलन!

=======================================================================

VIDEO: सराफाच्या दुकानात दरोडा, लाखो रुपयांचे दागिने केले लंपास

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Nov 10, 2019 02:54 PM IST

ताज्या बातम्या

corona virus btn
corona virus btn
Loading