सुबोध भावेचा 'काशिनाथ घाणेकर' पाहिलात? सिनेमाचं टीझर लाँच

सुबोध भावेचा 'काशिनाथ घाणेकर' पाहिलात? सिनेमाचं टीझर लाँच

बहुचर्चित 'आणि काशिनाथ घाणेकर' सिनेमाचं पाहिलं टीझर लाँच झालंय. मराठीतील दिग्गज रंगकर्मीच्या भूमिका सिनेमातून जिवंत होणार.

  • Share this:

मुंबई, 28 सप्टेंबर :अनेक दिवस सगळ्या रसिकांना एका गोष्टीची प्रतिक्षा होती. याआधी या सिनेमातल्या अनेक कलाकारांच्या व्यक्तिरेखा एक एक करून समोर आल्या होत्या. बरोबर, आम्ही बोलतोय 'आणि काशिनाथ घाणेकर' या सिनेमाबद्दल.

बहुचर्चित 'आणि काशिनाथ घाणेकर' सिनेमाचं पाहिलं टीझर लाँच झालंय. मराठीतील दिग्गज रंगकर्मीच्या भूमिका सिनेमातून  जिवंत होणार. या टीझरमध्ये सिनेमातले इतर व्यक्तिरेखाही समोर आल्यात. मग ते भालजी पेंढारकर किंवा श्रीराम लागू असतील, प्रभाकर पणशीकर असतील सगळे जण समोर येतात. आणि महत्त्वाचं म्हणजे सुबोध भावे काशिनाथ घाणेकरांच्या रूपात या टीझरमध्ये दिसतो.

नोव्हेंबरमध्ये 'आणि काशिनाथ घाणेकर' रिलीज होतोय. त्याचं प्रमोशनही टप्प्याटप्प्यानं सुरू होतंय. सिनेमाचे एक एक पैलू सोशल मीडियावर दिसतायत. सुबोध भावे, सुमित राघवन आणि सोनाली कुलकर्णीचा लूक सोशल मीडियावर व्हायरल झाला. आता सुबोधनंही नवं फेसबुकवर पोस्ट केलंय.

ज्येष्ठ अभिनेते काशिनाथ घाणेकर यांचे डोळे वेधक होते. त्यासाठी सुबोधनं लेन्सेस वापरलेत. फेसबुकवर सुबोध लिहितो, मला लेन्स लावायची नेहमीच भीती वाटायची. पण विक्रम गायकवाडांच्या सल्ल्यावरून सुबोधनं त्या लावल्यात आणि त्याचा लूकच बदललाय.

सुबोध या सिनेमाबद्दल म्हणतो, 'काशिनाथ घाणेकर साकारणं सोपं नव्हतं. माझे आणि त्यांचे विचारही पूर्ण वेगळे आहेत. आमची व्यक्तिमत्त्वही वेगळी आहेत.बालगंधर्व, लोकमान्य साकारताना विचारांशी कुठे तरी साम्य होतं. पण इथे असं काहीच नव्हतं.' सुबोध म्हणतो, 'बघ ना, नुसत्या त्यांच्या नावावर नाटक हाऊसफुल होत होतं. मला असा अनुभव कधीच आलेला नाही.' अर्थात, सुबोध सगळं श्रेय दिग्दर्शक अभिजीत देशपांडेला देतो. त्यानं सिनेमा चांगला लिहिलाय.

आपलं आयुष्य सफल झालं असं वाटण्याच्या काही गोष्टी असतात.. त्यापैकी ही एक.. सुलोचना दीदींची भूमिका. सोनाली कुलकर्णीनं आपल्या इन्स्ट्राग्रामवर ही पोस्ट टाकलीय. आणि सुलोचना दीदींची भूमिका सोनाली साकारतेय, हे समोर आलं.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Sep 28, 2018 05:06 PM IST

ताज्या बातम्या