Home /News /entertainment /

'माझी तुझी रेशीमगाठ' मालिकेतील अभिनेत्रीची झाली होती फसवणूक, आता व्हिडिओ पोस्ट करत म्हणते....

'माझी तुझी रेशीमगाठ' मालिकेतील अभिनेत्रीची झाली होती फसवणूक, आता व्हिडिओ पोस्ट करत म्हणते....

माझी तुझी रेशीमगाठ या मालिकेतील अभिनेत्रीची काही दिवसापूर्वी फसवणूक झाली होती. याबद्दल तिनं पोलिसात तक्रार दाखल केली होती. आता पुन्हा तिनं एक व्हिडिओ पोस्ट करत याबद्दल एक वेगळी माहिती शेअर केली आहे.

    मुंबई, 27 मार्च- माझी तुझी रेशीमगाठ या मालिकेतील अभिनेत्री धनश्री भालेकर (dhanashri bhalekar ) हीची काही दिवसांपूर्वी फसवणूक झाली असल्याचे समोर आले होते. याबाबत गेल्या काही दिवसांपासून ती सोशल मीडियावर सतत पाठपुरावा करताना दिसत होती . दरम्यान फसवणूक झाल्या प्रकरणी तिने पोलिसांत तक्रार देखील नोंदवली होती. या प्रकरणी धनश्रीला न्याय मिळवून देण्यात पोलिसांना यश आले आहे. या संदर्भात तिने (dhanashri bhalekar latest news) सोशल मीडियावर एक व्हिडिओ शेअर करत तिनं सर्वांचे आभार मानले आहेत. धनश्री भालेकर हिनं इन्स्टावर एक व्हिडिओ शेअर केला आहे. यामध्ये ती म्हणते आहे की, मी मनापासून पोलिसांचे आभार मानते आणि तुमचे देखील आभार मानते. कारण या काळात तुम्ही सगळे माझ्य़ा खंबीरपणे पाठिशी उभे राहिला. आपल्यासोबत अशी जर फसवणूक झाल्याची घटना घडली असेल तर त्याबद्दल आवाज उठवला पाहिजे. आपल्याला पाठींबा देणारी लोकं आहेत पण आपणच पहिलं पाऊल जर नाही उचललं तर कसं शक्य होणार?...त्यामुळे कृपा करून तुमच्यासोबत फसवणूक झाली असेल तर एफआयआर दाखल करा. वाचा- कलर्स मराठी अवॉर्ड ! रंग नव्या नात्यांचा, सोहळा कुटुंबाचा आणि विजेते आहेत.. तसेच धनश्री पुढे म्हणते की, पोलीस, प्रशासक सगळे आपली मदत करतील. आपण जर त्यांच्या विरोधात तक्रार दाखल नाही केली तर ह्या अशा फसव्या लोकांचंही तितकंच फावत. ह्या अशा लोकांना अद्दल घडवणं खूप जरुरीचं आहे, आणि आपले गेलेले पैसे देखील परत मिळवणं महत्वाचं आहे. हे सर्वत्र व्हायरल होऊ द्या करणं फ्रॉड झाला की आपले पैसे मिळतात हा माझा अनुभव आहे, धन्यवाद.
    काय आहे नेमकं प्रकरण? धनश्रीला डिसेंबर 2021 मध्ये एका वेबसिरीजमध्ये काम करण्यासाठी विचारण्यात आले होते. बालाजी टेलिफिल्म्सकडून तिला ही ऑफर आली होती. कास्टिंग बालाजी टेलिफिल्म्स डॉट कॉम या इमेल आयडीवरून तिला यासंदर्भात सिलेक्शन झाले असा मेल आला होता. तिच्याबाबतची माहिती टॅलेंट ट्रॅक ह्यांच्याकडून मिळाली असे तिला सांगण्यात आले. बालाजी टेलिफिल्म्स असल्याने धनश्रीने या गोष्टीवर विश्वास ठेवला. मुंबई आणि हैदराबाद येथे या वेबसिरीजचे शूटिंग होणार आणि ते झी 5 वर दिसणार असे तिला सांगण्यात आले होते. त्यासाठी डॉक्युमेंटस पाठवून तिला मुंबई ऑफिसला जावे लागेल असे सांगितले. परंतु मुंबई ऑफिस बंद पडत असल्याने ह्याची प्रोसेस हैद्राबादलाच होईल असे तिला कळवण्यात आले. हैद्राबादला विमानाने येण्यासाठी ‘बालाजी 20’ असा एक प्रोटोकॉल तिला दिला गेला आणि तिकीट बुक करण्यासाठी सांगितले. यागोदरही धनश्रीने असे प्रोजेक्ट्स केले होते त्यामुळे तिला याबाबत काहीच शंका आली नाही. परंतु तिकीट बुक करायच्या वेळेस प्रोसेस होत नसल्याचे तिने त्यांना कळवले.
    इंडिगोकडून तिकीट बुक केले आहे मात्र त्याचे पेमेंट पेंडिंग आहे असा एक रेकॉर्ड कॉल धनश्रीला आला होता. त्यांनी धनश्रीला एक नंबर पाठवून 22 हजार 348 रुपये एवढी विमानाच्या तिकीटाची रक्कम गुगलपे करण्यास सांगितली. ९ फेब्रुवारी 2022 रोजी गुगलपे करताना स्क्रीनवर इंडिगोच नाव समोर आलं आणि तुमची सीट बुक झाली असा एक मेल तिला आला. मात्र ह्या प्रोसेस मध्ये काही वेळ जाईल असे तिला सांगण्यात आले. 10 फेब्रुवारी रोजी सकाळी 10 वाजताची फ्लाईट होती त्यामुळे ही प्रोसेस लवकर कन्फर्म व्हावी अशी मागणी तिने केली होती. आधल्या दिवशी रात्री 8 वाजेपर्यंत तिने त्यांच्याशी पुन्हा संपर्क साधला असता कुठलाच प्रतिसाद न मिळाल्याने तिची फसवणूक झाली असल्याचे तिला वाटले. तेव्हा तिने याबाबत पोलीस ठाण्यात तक्रार देखील केली. या घडलेल्या प्रकाराची माहिती देणारा व्हिडिओ तिनं सोशल मीडियावर शेअर केला होता. याप्रकरणी धनश्रीला सर्वांनी पाठींबा दिला होता आता धनश्रीला न्याय मिळवून देण्यात पोलिसांना यश आलं आहे.
    Published by:News18 Trending Desk
    First published:

    Tags: Entertainment, Marathi entertainment, Zee marathi serial

    पुढील बातम्या