यश आणि नेहाची रेशीमगाठ जुळण्याआधीच तुटणार? एका कारणामुळे नात्यात येणार दुरावा

मुंबई, 31 मार्च- झी मराठीवरील माझी तुझी रेशीमगाठ ( Mazi tuzi reshimgath ) मालिका सध्या सततच्या टवीस्टमुळं सोशल मीडियावर चांगलीच चर्चेत आहे. सध्या मालिकेत आधी यशसाठी नेहानं परीचं नातं आजोबांसमोर लपवलं. आता नेहानं सिम्मीच्या सांगण्यावरून परीचं नातं आजोबांपासून लपवल आहे. याशिवाय तिनं सिम्मीच्या हामध्ये हा भरून यशसोबत लग्न केल्याचं देखील खोटं आजोबांसमोर बोललं आहे. यामुळे यश नेहावर नाराज आहे. यशची ही नाराजी आणि नेहाचं हे खोटं बोलणं या दोघांच्या नात्यात ( Mazi tuzi reshimgath Latest Episode ) दुरावा तर निर्माण करणार नाही ना...असा प्रश्न प्रेक्षकांना पडला आहे. एका पोर्टलनं दिलेल्या माहितीनुसार, नेहाच्या खोट्या वागण्यामुळं यशला नेहाचा राग आला आहे. याविषयावर तो समीरशी बोलताना दिसत आहे. समीर त्याची समजूत काढताना दिसत आहे. मात्र तिकडं नेहासमोर आजोबा एक वेगळीच अट ठेवतात. कदाचित यामुळे नेहा अडचणीत येण्याची शक्यता निर्माण झाली आहे. दररोज उठल्यावर आजोबांना नेहाचा चेहरा पाहूनचं दिवसाची सुरूवात करायची आहे. यामुळे नेहाला यशच्या घरी राहायला यावं लागणार आहे. यामुळे परीकडं कोण लक्ष देणार, तिचं काय होणार हा देखील प्रश्न आहे.

View this post on Instagram

A post shared by (@marathiserials_official)

आता नेहा यातून कसा मार्ग काढते हे पाहणं उत्सुकतेचे ठरणार आहे. शिवाय या खोट्यामुळे यश आणि नेहाच्यात कायमचा दुराव येणार का..याची देखील उत्सुकता लागली आहे. शिवाय आजोबांना जेव्हा नेहाबद्दल म्हणजे परी तिची मुलगी असल्याचे सत्य समजेल तेव्हा काय होणार ? आजोबा काय निर्णय घेणार, ते कधी परीचा स्वीकार करतील असे अनेक प्रश्न सध्या निर्माण झाले आहेत. त्यामुळे रेशीमगाठ बांधण्याआधीच यश आणि नेहाचं तुटणार नाही ना..असा प्रश्न निर्माण झाला आहे. वाचा-NRI शेजाऱ्यामुळे वाढल्या सलमानच्या अडचणी, कोर्टाने फेटाळली अभिनेत्याची याचिका सिम्मीच्या प्लॅनमध्ये नेहा अडकत चालली आहे. नेहाला सिम्मीचं सत्य समजणं देखील महत्त्वाचे आहे.कदाचित नेहाला सिम्मीचं सत्य समजल्यानंतर ती योग्य विचार करून निर्णय घेईल. मात्र तोपर्यंत वेळ हातातून निघून जावू नये...असा देखील प्रश्न आहे.