धक्कादायक! सिनेमासाठी निर्मात्याने श्रुती मराठेला दिली होती 'वन नाइट स्टँड'ची ऑफर

मुंबई, ०५ एप्रिल- नावाजलेल्या मालिका आणि सिनेमात काम करून स्वतःचं स्थान निर्माण करणारी अभिनेत्री श्रुती मराठेने तिच्या सोबत झालेली कास्टिंग काऊचची घटना ह्युमन ऑफ बॉम्बेच्या इन्स्टा पेजवर शेअर केली. या पोस्टमध्ये श्रुतीने भली मोठी पोस्ट लिहून सिनेमाच्या ऑडिशनवेळी कास्टिंग काउचचा सामना करावा लागल्याचं म्हटलं.

यावेळी श्रुती म्हणाली की, एका सिनेमात लीड रोल देण्याच्या बदल्यात तिला निर्मात्याने वन नाइट स्टँडची अट घातली होती. पण प्रकरण एवढ्यावरच थांबलं नाही. श्रुतीनेही त्या निर्मात्याला जशास तसं उत्तर दिलं.

श्रुतीने या पोस्टमध्ये लिहिले की, एकदा एका निर्मात्याने मला एक मुख्य भूमिका देऊ केली. सुरुवातीला तो मला फार प्रोफेशनल वाटला. पण काही दिवसांनी त्याने वन नाइट स्टँड, सामंजस्य असे शब्द वापरायला सुरुवात केली.

श्रुतीच्या मते, ‘मला ही गोष्ट अशीच सोडून द्यायची नव्हती. ‘जर मी तुमच्यासोबत शय्यासोबत करावी अशी इच्छा आहे तर हिरोला तुम्ही कोणासोबत शय्यासोबत करायला सांगणार असा थेट प्रश्न श्रुतीने विचारला.’ श्रुतीचा हा प्रश्न ऐकून निर्मात्याला धक्का बसला.

श्रुती पुढे म्हणाली की, ‘मी इतरांना ही घटना सांगितली. यानंतर त्याला तो प्रोजेक्ट सोडायला सांगण्यात आलं. मला निर्भिड व्हायला फक्त १ मिनिट लागला. मी फक्त माझ्यासाठी उभी राहिली नाही, तर मी त्या महिलांसाठी उभी राहिले ज्यांना सहज जज केलं जातं.’

View this post on Instagram

“I’ve been in this industry since I was 16 years old. Over the years I’ve been celebrated in the limelight & shamed behind the camera. People have a misconception that actors lead a comfortable life & always feel good about themselves–that’s not true. Whether we like it or not, whether we feel right or not, we have to be the best versions of ourselves. There are no ‘bad days’. I remember, early on in my career, for a south film, I was asked to wear a bikini–I agreed without thinking twice. Questions like, ‘How are you going to shoot it?’ or ‘Is it required?’ didn’t even cross my mind. I was getting an opportunity to be in a film & that’s all that mattered! Years later when I gained popularity in a Marathi show, people looked me up & stumbled upon the bikini scene. I was trolled for the way I looked & how it was shot. Do you know how much that damages your self-esteem? I put myself out there without any barriers–but I wasn’t accepted; I was objectified. I still continued working as if it didn’t bother me. But I had a dream. I’d worked so hard & was finally moving forward, I wasn’t going to let it go–just because someone else had a problem, they weren’t in my shoes & would never know what it felt like. Slowly, I made myself tougher. Once I met a producer who’d offered me a lead role. At first he was professional, but soon he began using the words, ‘compromise’ & ‘one night’. I couldn’t let this slip so I asked him, ‘If you want me to sleep with you, who are you making the hero sleep with?’ He was stunned. I immediately informed others of his behaviour & they asked him to leave the project. All it took was one minute of being fearless–that day, I didn’t just stand up for me... I stood up for every woman who’s been objectified & judged for simply being who she is; for simply being ambitious. Why should the archaic rules of society & today's so-called modern world stop me? My clothes don’t define me–my talent does, my hard work does, my success does & I think it’s high time, people realise that.” ----- HoB with #FlipOnErosNow brings to you stories of people who have dealt with uncertainties and insecurities that life throws your way and have emerged triumphant

A post shared by Humans of Bombay (@officialhumansofbombay) on Apr 4, 2019 at 5:28am PDT

एवढंच बोलून श्रुती थांबली नाही. ती पुढे म्हणाली, ‘माझ्या कपड्यांवरून मी काय आहे हे कोणी ठरवू शकत नाही. माझं टॅलेंट, मेहनत, यश यावर मी कोण आहे हे कळतं. मला ठाम वाटतं की हीच योग्य वेळ आहे जेव्हा लोक या गोष्टीला समजतील.’

आपल्या या पोस्टमध्ये श्रुतीने पहिल्यांदा स्क्रीनवर बिकिनी घालण्याच्या अनुभवाबद्दल सांगितले. मराठे म्हणाली की, ‘करिअरच्या सुरुवातीला मला दाक्षिणात्य सिनेमांमध्ये बिकिनी घालायला सांगण्यात आलं. मी एकाक्षणाचाही विचार न करता हो म्हणाले. माझ्या मनात बिकिनी घालण्याबद्दल कोणताही विचार नव्हता. मला सिनेमात काम करायला मिळतंय हेच माझ्यासाठी तेव्हा महत्त्वाचं होतं. अनेक वर्षांनंतर जेव्हा मला मराठी मालिकांमध्ये प्रसिद्धी मिळाली, तेव्हा मला बिकिनी सीनसाठी ट्रोल करण्यात आलं. पण या सर्व गोष्टींची मी पर्वा केली नाही आणि आपलं काम करत राहिले.’

सध्या श्रुती मराठेची ही पोस्ट मोठ्या प्रमाणात व्हायरल होत आहे. श्रुतीचे चाहते या पोस्टसाठी तिचं भरभरून कौतुक करत आहेत. श्रुतीने मराठी मालिका आणि सिनेमांसोबतच तमिळ सिनेमांमध्येही काम केलं आहे. श्रुतीचं स्वतःचं असं वेगळं फॅन फॉलोविंग आहे. ती सोशल मीडियावर फार सक्रिय आहे.

VIDEO : आढळराव पाटील आणि गिरीश बापटांच्या भेटीबद्दल अमोल कोल्हे म्हणतात...