पूजा सावंतने 'या' डान्सरचे REEL केले कॉपी; VIDEO पाहून चाहते म्हणाले, 'बस इतकं....'

मुंबई, 03 ऑक्टोबर : सध्या रिलचा जमाना आहे आणि यामध्ये आपल्या मराठमोळ्या अभिनेत्री देखील मागे नाहीत. मराठमोळी अभिनेत्री पूजा सावंत (Pooja Sawant) सोशल मीडियावर नेहमी अॅक्टिव्ह असते. ती तिचे काही फोटो आणि व्हिडिओ चाहत्यांसोबत शेअर करत असते. नुकतंच पूजाने साडीतील (Pooja Sawant Reel)  इन्स्टा रिल शेअर केलं आहे. चाहत्यांकडून तर या रिलवर कमेंटचा पाऊस सुरू आहे. पूजा सावंतने तिच्या इन्स्टावर एका हिंदी गाण्यातील रिल शेअर केलं आहे. लता मंगेशकर यांनी गायलेलं आणि अभिनेत्री श्रीदेवी यांनी नृत्य केलेलं 'छनछन चुडिया खनक गयी हात मे' हे गाणं. या सुपरहिट गाण्यावर पूजाने सुंदर असं नृत्य सादर केल्याचं पाहायला मिळतं. यामध्ये पूजाच्या अदा मनमोहीत करणाऱ्या अशाच आहेत.

View this post on Instagram

A post shared by Pooja Sawant (@iampoojasawant)

पूजाने हे रिल शेअर करत इन्स्टावर म्हटलं आहे की, आशिष पाटील मी तुझ्याकडून प्रेरणा घेऊन हे रिल शेअर करत आहे. तू नेहमी माझ्यावर माझ्यापेक्षा जास्त विश्वास ठेवलास आणि म्हणूनच तू पोस्ट केलेले एक सुंदर रिल फक्त कॉपी करण्याचा  प्रयत्न केला आहे. मी माझे सर्वोत्तम प्रयत्न केले असले तरी तुझ्यासारखे हवभाव मी करू शकत नाही, असं देखील पूजाने या पोस्टमध्ये म्हटलं आहे. हे वाचा - Bigg Boss 15: आज ग्रँड प्रीमियरमध्ये सलमान खान स्पर्धकांसोबत लावणार मनोरंजनाचा तडका; वाचा शोच्या सर्व डिटेल्स पूजाच्या या रीलवर चाहत्यांनी देखील कमेंट करत तिच्यावरचे प्रेम व्यक्त केले आहे. एका चाहत्याने ए.. कलरफुल.. तर एका नेटकऱ्याने छान...‌बस इतकं की फिदा..झालो तुझा मी दिवाना झाले अशी कमेंट केली आहे. तर तिसऱ्या नेटकऱ्याने Killed it ..किलड इट अशी कमेंट केली आहे. तिचा कलरफुल साडीतला हा जबरदस्त रील व्हिडीओ सोशल मीडियावर देखील व्हायरल होत आहे.

View this post on Instagram

A post shared by Ashish Patil (@ashish_patil2501_official)

पूजा एक उत्तम अभिनेत्री तर आहेच पण यासोबत तिला एक उत्तम डान्सर म्हणून देखील ओळखलं जातं. पूजाला लहानपणापासूनच नृत्याची भयंकर आवड असल्याने शाळेत आणि महाविद्यालयात असताना तिने अनेक नृत्यस्पर्धा आणि नाटकांमधून आपल्या अभिनयाची चुणुक दाखवली आणि अनेक बक्षीसं मिळवली आहेत.