अडचणीत वाढ..! महेश मांजरेकरांविरोधात न्यायालयात तक्रार, सिनेमा वादाच्या भोवऱ्यात

मुंबई, 28 जानेवारी: अभिनेते महेश मांजरेकर (Mahesh Manjrekar)हे मराठी चित्रपटसृष्टीत आणि बॉलिवूडमधील प्रसिद्ध निर्माते, दिग्दर्शक आहेत. त्यांचे दिग्दर्शन असलेला ‘नाय वरनभात लोन्चा कोण नाय कोन्चा!’( Varan Bhat Loncha Kon Nay Koncha)हा चित्रपट सध्या वादाच्या भोवऱ्यात अडकला आहे. बहुचर्चित आणि वादग्रस्त मराठी चित्रपट  ‘नाय वरनभात लोन्चा कोण नाय कोन्चा!’ ला देण्यात आलेले प्रमाणपत्र रद्द करीत त्यावर बंदी घालण्याची मागणी करणारी एक जनहित याचिका मुंबई उच्च न्यायालयात दाखल करण्यात आली आहे.

महेश मांजरेकर यांच्यावर त्यांच्या नवीन मराठी चित्रपटात महिला आणि लहान मुलांचे आक्षेपार्ह चित्रण केल्याचा आरोप आहे. निर्मात्याविरोधात ही तक्रार क्षत्रिय मराठा सेवेने केली आहे. क्षत्रिय मराठा सेवा संस्थेने महेश मांजरेकर यांच्याविरोधातही वांद्रेतील दंडाधिकारी न्यायालयात तक्रार दाखल केली आहे. यादरम्यान, आयपीसीच्या कलम 292 (अश्लील सामग्रीची विक्री इ.), 295 (अश्लील कृत्ये किंवा शब्दांसाठी शिक्षा), 34 अंतर्गत मांजरेकरांविरुद्ध कारवाईची मागणी करण्यात आली होती.

मांजरेकर यांच्यासह नरेंद्र, श्रेयांश हिरावत आणि ‘वरन भात लोन्चा, कोन नाय कोन्चा’ चित्रपटाचे निर्माते एनएच स्टुडिओज यांच्यावरही आरोप करण्यात आले आहेत.