महेश भट्ट यांच्यावर आरोप करणं पडलं महागात; अभिनेत्रीविरोधात एक कोटींचा मानहानीचा दावा

महेश भट्ट यांच्यावर आरोप करणं पडलं महागात; अभिनेत्रीविरोधात एक कोटींचा मानहानीचा दावा

अभिनेत्रीने आपल्या सोशल मीडियावर व्हिडीओ पोस्ट करत महेश भट्ट (mahesh bhatt) यांच्यावर खळबळजनक आरोप केले होते.

  • Share this:

मुंबई, 27 ऑक्टोबर : दिग्दर्शक महेश भट्ट (Mahesh Bhatt) यांच्यावर आरोप करणारी अभिनेत्री  लवीना लोध (Luviena Lodh) आता अडचणीत अडकली आहे. महेश भट्ट आणि त्यांचा भाऊ मुकेश भट्ट (Mukesh Bhatt) यांनी तिच्याविरोधात सोमवारी मुंबई हायकोर्टात  (Bombay High Court) याचिका दाखल केली आहे. तिच्यावर एक कोटी रुपयांचा मानहानीचा दावा ठोकला आहे.

सोमवारी या याचिकेवर सुनावणी झाली. त्यानंतर लवीना लोधकडून याबाबत उत्तर मागितलं आहे. या प्रकरणावर आता तीन आठवड्यांनंतर पुढील सुनावणी होणार आहे.

View this post on Instagram

I m being harrased by Mahesh Bhatt & family. Pls support.

A post shared by Actor | Luviena Lodh (@luvienalodh) on

लवीनाने गेल्या आठवड्यात आपल्या सोशल मीडियावर एक व्हिडीओ शेअर केला होता. ज्यामध्ये तिनं महेश भट्ट हेच फिल्म इंडस्ट्रीतील डॉन आहेत, असं म्हटलं. त्यांचा भाचा सुमित सभरवालशी आपण लग्न केलं आहे आणि तो ड्रग्ज सप्लाय करतो, शिवाय मानवी तस्करीही करतो आणि याची माहिती महेश भट्ट यांनाही आहे. त्यांच्या सांगण्यावरूनच हे सर्व धंदे चालतात असं तिनं सांगितलं.

हे वाचा - 'ती' ड्रग पार्टी नव्हतीच! करण जोहरच्या पार्टीत आलेल्या कलाकारांना NCBचा दिलासा

हा व्हिडीओ पोस्ट केल्यानंतर महेश भट्ट यांनी आपले वकील अमित नाईक यांच्यामार्फत लवीनाला कायदेशीर नोटीस बजावली. लवीनाने आपल्यावर लावलेले सर्व आरोप फेटाळले होते. शिवाय सोमवारी मुंबई हायकोर्टातही याचिका दाखल केली. आपली मानहानी केल्याप्रकरणी लवीनाकडून एक कोटी रुपये मागितले आहेत. तिला हा व्हिडीओ हटवण्याचेही निर्देश द्यावेत अशी मागणीही या याचिकेत करण्यात आली आहे. तसंच भविष्यात तिनं आपल्यावर असे खोटे आरोप करू नये, असं या याचिकेत म्हटलं आहेत. लविनाचा पती सभरवालशी भट्ट भावंडांचा थेट संबंध नाही. तो आपल्या बहिणीच्या पतीच्या भावाचा मुलगा असल्याचंही त्यांनी सांगितलं आहे.

हे वाचा - भावाच्या मृत्यूनंतर दोनच दिवसांनी प्रसिद्ध चित्रपट अभिनेत्याचे कोरोनामुळे निधन

लवीना लोधने 2010 साली हिमेश रेशमियासह कजरारे फिल्ममधून बॉलिवूडमध्ये एंट्री केली होती. या फिल्मचं दिग्दर्शन महेश भट्ट आणि पूजा भट्टने केलं होतं.

Published by: Priya Lad
First published: October 27, 2020, 2:49 PM IST

ताज्या बातम्या

corona virus btn
corona virus btn
Loading