Cyber Alert! फ्री वेबसाइटवर 'हे' सिनेमा किंवा वेबसीरिज पाहणं पडेल महागात, महाराष्ट्र सायबरचा इशारा

Cyber Alert! फ्री वेबसाइटवर 'हे' सिनेमा किंवा वेबसीरिज पाहणं पडेल महागात, महाराष्ट्र सायबरचा इशारा

भारत आणि चीनमधील वाढता तणाव लक्षात घेता भारतामध्ये सायबर हल्ल्याचा धोका वाढल्याचा इशारा सायबर तज्ज्ञांनी दिला आहे. केंद्रीय यंत्रणांकडून देखील वेळोवेळी अलर्ट राहण्याचा सल्ला देण्यात आहे.

  • Share this:

मुंबई, 01 जुलै : भारत आणि चीनमधील वाढता तणाव लक्षात घेता भारतामध्ये सायबर हल्ल्याचा धोका वाढल्याचा इशारा सायबर तज्ज्ञांनी दिला आहे. केंद्रीय यंत्रणांकडून देखील वेळोवेळी अलर्ट राहण्याचा सल्ला देण्यात आहे. दरम्यान आर्थिक धोका टाळण्यासाठी विविध बँकांनी देखील त्यांच्या ग्राहकांना अलर्ट मेसेज पाठवले आहेत. मात्र देशातील नागरिकांना एका वेगळ्या समस्येला तोंड द्यावे लागू शकते. तुम्ही जर एखाद्या वेबसाइटवरून फ्रीमध्ये चित्रपट पाहत आहात, तर तुमचा मोबाइल किंवा कंप्यूटर हॅक होऊ शकतो, असा इशारा महाराष्ट्र सायबर विभागाने (Maharashtra Cyber Department) दिला आहे. महाराष्ट्र्र सायबर विभागाने 10 चित्रपट आणि 10 वेब सीरिजची यादी जाहीर केली आहे. हा कंटेट फ्री वेबसाइटवर न पाहण्याचा सल्ला विभागाकडून देण्यात आला आहे. या वेबसाइटवर क्लिक केल्यास मालवेअर डाउनलोड होऊ शकतो, ज्यामुळे तुमच्या फोन किंवा लॅपटॉपवरील माहिती हॅक होऊ शकते.

गेल्या काही काळात इंटरनेट वापरण्याचे प्रमाण वाढले आहे, त्याचा फायदा सायबर हल्ला करणारे भामटे करत आहेत. महाराष्ट्र शासनाच्या माहिती व जनसंपर्क महासंचालनाययाच्या अधिकृत ट्विटर हँडलवरून यासंदर्भात ट्वीट देखील करण्यात आले आहे.

महाराष्ट्र सायबर विभागाने कोणत्याही फ्री कंटेट देणाऱ्या बनावट वेबसाइटवर जे चित्रपट आणि सीरिज पाहून नका असे जाहीर केले आहे. विभागाकडून 10 वेबसीरिज आणि 10 चित्रपटांची यादी जाहीर केली गेली आहे, याबाबत इंडिया टुडेने वृत्त दिले आहे. या चित्रपट आणि वेबसीरिजची यादी खालीलप्रमाणे:

चित्रपट- मर्दानी 2, जुटोपिया, जवानी दिवानी, छपाक, लव्ह आज कल, इन्स्पेशन, बाहुबली, रजनीगंधा, गल्लीबॉय आणि बाला

(हे वाचा-'सुशांतवरील #MeToo चा आरोप केवळ अफवा', या अभिनेत्रीचे पोलिसांकडे स्पष्टीकरण)

वेबसीरिज- दिल्ली क्राइम, ब्रूकलिन नाईन-नाईन, पंचायत, अकूरी, Fauda, घूल, माइंडहंटर, नार्कोज, देवलोक आणि लॉस्ट

महाराष्ट्र सायबर विभागाने सायबर क्राइम संदर्भात आतापर्यंत एकूण 510 गुन्हे दाखल करण्यात आले आहेत तर 265 जणांना आतापर्यंत अटक करण्यात आली आहे.

संपादन - जान्हवी भाटकर

First published: July 1, 2020, 12:38 PM IST
Tags:

ताज्या बातम्या

corona virus btn
corona virus btn
Loading