सोनाली कुलकर्णीनंतर 'या' मराठमोळ्या अभिनेत्रीनंही केलं दुसरं लग्न, हातावरच्या मेहंदीनं वेधलं लक्ष

मुंबई, 25 मे: नटरंग (Natrang Film)  फेम अभिनेत्री सोनाली कुलकर्णी (Sonalee Kulkarni) गेल्या काही दिवसांपासून चांगलीच चर्चेत आहे. त्याच कारण म्हणजे तिनं तिच्याच नवऱ्यासोबत केलेलं दुसरं लग्न.  लग्नानंतर ती हनिमूनला देखील गेली होती. तिच्या हनिमूनचे फोटो आणि व्हिडीओ प्रचंड व्हायरल झाले होते.  विशेषत: सोनालीचे बिकीनीतील हॉट फोटो प्रचंड व्हायरल झाले होते. हल्ली लग्नाच्या वाढदिवसा दिवशी पुन्हा एकदा लग्नगाठ बांधण्याची नवी  पद्धत आली असल्याचं म्हणायला हरकत नाही. कारण आता सोनालीनंतर आणखी एक मराठमोळी अभिनेत्री पुन्हा एकदा लग्नबंधनात अडकली आहे. 'राधा प्रेम रंगी रंगली' (Radha Prem Rangi Rangili) 'फ्रेशर्स' (Freshers Serial) 'लव्ह लग्न लोचा' (love lagna locha)   सारख्या मालिकांमधून घराघरात पोहोचलेली अभिनेत्री अक्षया गुरव (akshaya gurav) हिने नुकतीच नवऱ्यासोबत पुन्हा लग्नगाठ बांधली. अक्षया आणि तिचा पती भूषण वाणी (Bhushan Wani) यांच्या लग्नाच्या वाढदिवसानिमित्त घरची मंडळी आणि मित्र मैत्रिणींच्या सानिध्यात पुन्हा लग्नगाठ बांधली. अक्षया पुन्हा एकदा लग्नबंधनात अडकण्यासाठी फारचं उत्साही होती. तिने दोन्ही हातावर मेहंदी देखील काढली होती. अक्षयाने तिच्या पुनश्च: लग्नाचे फोटो तिच्या चाहत्यांसोबत शेअर केलेत.

View this post on Instagram

A post shared by Bhushan Wani (@bhushan_dop)

हेही वाचा - सोनाली कुलकर्णीने पहिल्यांदाच दाखविली सासरची झलक,अभिनेत्रीसाठी सासूबाईंनी केलं हे खास काम अक्षयाने शेअर केलेल्या फोटोंमध्ये अक्षयाने पिवळी साडी नेसलीय तर भूषणने छान सदरा घालताय. दोघांनी एकमेकांच्या गळ्यात फुलांचे हार घातले असून दोघेही एकमेकांकडे पाहत रोमँटीक झालेले पहायला मिळत आहेत. अक्षया आणि भूषण पुन्हा एकदा नवरा नवरीच्या वेशात फारच गोड आणि सुंदर दिसत आहेत. फोटोंसहीत अक्षयाने दोघांचा डान्स रिल्स देखील शेअर केला आहे. ज्यात दोघेही अत्यंत रोमँटिक झाले असून एका प्रसिद्ध साऊथ गाण्यावर रोमँटिक डान्स करताना दिसत आहे.

View this post on Instagram

A post shared by Akshayaa (@akshayaagurav)

अक्षयाने लग्नानंतरचे हनिमूनचे फोटो देखील शेअर केलेत. ज्यात ती स्विमींग पुलमध्ये रॉकिंग अंदाजात दिसत आहे. अक्षयाने हातावर काढलेली भूषणच्या नावाची मेहंदी चांगलीच रंगली असून स्विमींग पूलमधील फोटोंमध्ये चांगलीच उठून दिसत आहे. तिच्या हातावरच्या मेहंदी विशेष लक्ष वेधून घेतलं आहे.  अक्षयाने 2017मध्ये भूषण वाणीसोबत विवाह केला. भूषण देखील सिनेसृष्टीशी निगडीत आहे. तो सिनेमॅटोग्राफर आहे. अक्षया आणि भूषण यांच्या लग्नातील लूकनेही सर्वांचं लक्ष वेधून घेतलं होतं.