Home /News /entertainment /

गानसम्राज्ञी Lata Mangeshkar यांची प्रकृती स्थिर पण...; डॉक्टरांनी दिली नवी Update

गानसम्राज्ञी Lata Mangeshkar यांची प्रकृती स्थिर पण...; डॉक्टरांनी दिली नवी Update

गानसम्राज्ञी लता मंगेशकर (Lata Mangeshkar) मागच्या काही दिवसांपासून कोरोना झाल्यामुळे मुंबईतील ब्रीच कॅंन्डी (Breach Candy Hospital Mumbai) रुग्णालयात उपचार घेत आहेत. त्यांच्या प्रकृतीबद्दल नवीन माहिती समोर आली आहे.

    मुंबई, 25 जानेवारी- गानसम्राज्ञी लता मंगेशकर (Lata Mangeshkar) मागच्या काही दिवसांपासून कोरोना झाल्यामुळे मुंबईतील ब्रीच कॅंन्डी (Breach Candy Hospital Mumbai) रुग्णालयात उपचार घेत आहेत. त्यांच्या प्रकृतीमध्ये थोड्या प्रमाणात सुधरणा झाली आहे. मात्र सध्या त्यांच्यावर आयसीयूमध्ये उपचार सुरु आहेत. डॉ. प्रतित समदानी यांनी एनआयला ही माहिती दिली आहे. एएनआयने दिलेल्या माहितीनूसार, डॉ प्रतत समदानी म्हणाले, लता मंगेशकर यांच्या प्रकृतीमध्ये (Lata Mangeshkar health update) थोड्या प्रमाणात सुधरणा झाली आहे. मात्र सध्या त्यांच्यावर आयसीयूमध्ये उपचार सुरु आहेत. लता मंगेशकर यांच्या घरात काम करणाऱ्या मोलकरणीला कोरोनाची लागण झाल्यानंतर लता दीदींचीही कोरोना चाचणी करण्यात आली होती. कोरोना पॉझिटिव्ह आल्यानंतर त्यांना ब्रीच कँडी रुग्णालयात दाखल करण्यात आले.लता मंगेशकर यांना कोरोनाची लागण झाली म्हटल्यावर त्यांच्या प्रकृतीविषयी सोशल मिडीयावर अनेक व्हायरल मेसेज येत होते. यानंतर मंगेशकर कुटुंबाच्यावतीने चुकीच्या बातम्या पसरू नका असे आवाहन करण्यात आले आहे. वाचा-'माझा होशील ना' फेम सईच्या घरी चिमुकलीचे आगमन, क्यूट VIDEO पाहाच! लता मंगेशकर यांनी वयाच्या पाचव्या वर्षापासून काम करण्यास सुरू केलं. त्या वडिलांसोबत संगीत नाटकात अभिनय करत होत्या. यानंतर 13 व्या वर्षी त्यांनी पहिलं गाणं गायलं. भारत रत्न, पद्म भूषण आणि दादासाहेब फाळके यासारख्या पुरस्कारांनी त्यांना सन्मानित करण्यात आलं आहे. लता मंगेशकर यांनी विविध भारतीय भाषांमध्ये 30 हाजारापेक्षा जास्त गाणी गायली आहेत. त्यांनी 'अजीब दास्तां हैं ये', 'प्यार किया तो डरना क्या', 'नीला आसमान सो गया' आणि 'तेरे लिए' यासारखी कितीतरी लोकप्रिय गाणी गायली आहेत.
    Published by:News18 Trending Desk
    First published:

    Tags: Bollywood News, Entertainment, Marathi entertainment

    पुढील बातम्या