मुंबई, 8 मार्च : बॉलिवूड अभिनेत्री जान्हवी कपूरने (Janhvi Kapoor) बॉलिवूडमध्ये पदार्पणानंतर एकामागून एक चांगले चित्रपट केले आहेत. यात तिचा अभिनय लोकांना खूप आवडला होता. तर आज ती चित्रपटसृष्टीतलं एक नावाजलेलं नाव आहे. अभिनय, नृत्य आणि फॅशन या बाबतीत ती कोणापेक्षा कमी नाहीये, तसेच ती बर्याचदा आपल्या फिटनेसच्या क्रेझविषयी चर्चेत असते. यामुळेच तिच्या जिमचे फोटो चर्चेचा विषय बनले आहेत आणि सोशल मीडियावर त्यांना पसंती दिली जाते. ती फक्त सौंदर्याकडेच लक्ष देत नाही तर तंदुरुस्ती टिकवण्यावरही तिचे पूर्ण लक्ष आहे. आज तिचा वाढदिवस आहे. या निमित्ताने जान्हवी कपूरचे फिटनेस सीक्रेट माहित करून घेऊया:
वर्कआउट रूटीन:
पिंकविलाच्या वृत्तानुसार, जान्हवी कपूर तिच्या फिटनेससाठी खूप मेहनत करते आणि फिटनेस सेशन कधीही चुकवत नाही. ती बराच वेळ कार्डिओ आणि वेटलिफ्टिंग करते. हे तिच्या स्नायूंना टोन करण्यास मदत करत. झटपट वजन कमी करण्यासाठी आणि वजन संतुलित ठेवण्यासाठी तिने काही कार्यात्मक प्रशिक्षण आणि नृत्य यांचा सुद्धा आपल्या रुटीन मध्ये समावेश केला आहे. यामुळे तिला शरीराची लवचिकता राखण्यास देखील मदत होते. या व्यतिरिक्त तिने आपल्या रोजच्या रुटीनमध्ये काही योगासनांचा सुद्धा समावेश केला आहे. त्यामुळे तिला शांत आणि तणावमुक्त राहण्यास मदत होते. याशिवाय जेव्हा ती जिममध्ये जात नाही, तेव्हा फिट राहण्यासाठी ती जॉगिंग करते आणि पोहायला देखील जाते.
त्यांच्या फिटनेसवर पूर्ण लक्ष देणाऱ्या स्टार्सपैकी जान्हवी कपूर आहे. हेच कारण आहे की ती दिवसेंदिवस अधिक सुंदर दिसत आहे. यासाठी ती जिममध्ये नियमित वर्कआउट्स करते आणि स्वत: ला फिट ठेवते. ती घरी असो किंवा चित्रपटाच्या शूटिंगमध्ये व्यस्त असो, ती नियमितपणे व्यायाम करते आणि स्वत: ला निरोगी ठेवते.
हे वाचा - Birthday Special: लहानपणीच्या फोटोंवरून ओळखा बॉलिवूडच्या 'या' BOLD अभिनेत्रीला
नियमित संतुलित आहार:
तंदुरुस्त आणि निरोगी राहण्यासाठी जान्हवी कपूरला चालण्याबरोबरच संतुलित आहार घेण देखील आवडत. तिच्या आहारात ती ताजी फळे आणि भाज्यांचा समावेश करते. साखर आणि जंक फूडपासून ती नेहमीच अंतर राखून असते. तिच्या नाश्त्यामध्ये अंडी, संपूर्ण धान्य, तपकिरी ब्रेड आणि दूध इत्यादी असतात. त्याचबरोबर तिला लंचमध्ये हिरव्या भाज्या, तपकिरी तांदूळ आणि कोशिंबीर खायला आवडते.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Birthday celebration, Bollywood, Fitness, Janhvi kapoor, Star celebraties