कनिका कपूरबाबत नवी माहिती आली समोर, डॉक्टरांनी सांगितली सत्य परिस्थिती

मुंबई, 31 मार्च : बॉलिवूडची प्रसिद्ध गायिका कनिका कपूर मागच्या काही काळापासून कोरोना व्हायरसचा सामना करत आहे. काही दिवसांपूर्वी करण्यात आलेली तिची चौथी कोरोना टेस्टही पॉझिटिव्ह आली होती. त्यामुळे तिच्या कुटुंबीयांची चिंता वाढली होती. त्यानंतर तिनं सोशल मीडियावर एक पोस्ट करत पुढची टेस्ट निगेटिव्ह यावी अशी अशा करते असं म्हटलं होतं. त्यानंतर आता कनिका कपूर बाबत एक नवी माहिती समोर आली असून सध्या कनिकाची काय परिस्थिती आहे याची माहिती तिच्यावर उपचार करत असलेल्या डॉक्टरांनी स्वतः दिली आहे. कनिका कपूर सध्या लखनऊच्या संजय गांधी पोस्टग्रॅज्युएशन इन्स्टिट्यूट ऑफ मेडिकल सायन्समध्ये कोरोना व्हायरसवर उपचार घेत आहे. या हॉस्पिटलमध्ये तिच्यावर उपचार करणारे डॉक्टर आर. के. धीमान यांनी ANI ला दिलेल्या माहितीनुसार कनिका गंभीर आजारी असल्याच्या चर्चा केवळ अफवा आहेत. तिची प्रकृती सध्या स्थीर असून ती उपचारांना चांगला प्रतिसाद देत आहे. तसेच खाण्यापिण्याच्या वेळाही ती काटेकोरपणे पाळत आहे. स्मिता पाटील यांचा मुलगा प्रतिक बब्बर वर्षभरातच घेणार घटस्फोट?

Kanika Kapoor (in file pic) is asymptomatic(no symptoms), stable and doing well. She is taking food normally. Information circulated in the media that she is very sick is false: Dr RK Dhiman, Director, Sanjay Gandhi Postgraduate Institute of Medical Sciences (SGPGIMS), Lucknow pic.twitter.com/7gTb0GyKoH

— ANI UP (@ANINewsUP) March 31, 2020

डॉ. आर. के. धीमन यांनी दिलेल्या माहितीनुसार, कनिकामध्ये आता कोरोनाची कोणतीही लक्षण दिसत नाही आहे. पूर्वीपेक्षा आता तिच्या तब्येतीत झपाट्यानं सुधारणा होत आहे. तिची प्रकृती स्थीर आहे. आता ती पूर्वीप्रमाणेच सामान्य व्यक्तीसारखं जेवण घेत आहे. ती खूप आजारी आहे अशा चर्चा सुरू आहेत मात्र या केवळ अफवा आहेत. तिच्या तब्येतीत सुधारणा होत आहे. चिंतेचं कोणतही कारण नाही. Lockdown : दूरदर्शनवर सुरू झाले जुने शो, सनी लिओनीनं केलं हटके स्वागत

View this post on Instagram

Going off to bed. Sending you all loving vibes. Stay safe you guys ❤ Thank you for your concern but I am not in the ICU. I am fine. I hope my next test is negative. Waiting to go home to my kids and family ❤ miss them!

A post shared by Kanika Kapoor (@kanik4kapoor) on Mar 29, 2020 at 12:13pm PDT

कनिका कपूर 9 मार्चला लंडनवरून भारतात परतली होती. त्यानंतर ती तिच्या आई-वडीलांकडे लखनऊला गेली होती आणि त्याच ठिकाणी तिनं एक हाय प्रोफाइल पार्टी अटेंड केली होती. ज्यामुळे तिला कोरोनाची लागण झाल्याचं समजताच तिच्यावर सोशल मीडियावरून खूप टीकाही करण्यात आली. एवढंच नाही तर लोकांचं आरोग्य धोक्यात टाकल्याप्रकरणी उत्तरप्रदेश पोलिसांनी तिच्यावर FIR सुद्धा दाखल केली आहे. अमृता-RJ अनमोलचा खास लॉकडाऊन VIDEO, लाईव्हदरम्यान केलं चाहत्याच्या मुलीचं बारसं