मेरे घर आई एक नन्ही परी! कंगनाच्या घरी आहे गोड बातमी

मुंबई, 22 फेब्रुवारी : बॉलिवूड अभिनेत्री कंगना राणावत आणि तिची बहिण रंगोली चंदेल सोशल मीडियावर आपल्या वक्तव्यांमुळे नेहमीच चर्चेत असतात. रंगोली सोशल मीडियावर मुक्तपणे आपली मतं मांडत असते. अनेकदा रंगोली आपल्या वक्तव्यांमुळे चर्चेतही येते. सध्या रंगोली एका वेगळ्याच बातमीमुळे सोशल मीडियावर चर्चेत आहे. रंगोलीने नुकतच ट्विट करत आपण आई होणार असल्याचं सांगितलं आहे. लवकरच ती आपल्या दुसऱ्या बाळाची आई होणार आहे.

रंगोलीने ट्विट करत ही आनंदाची बातमी दिली आहे. रंगोली म्हणाली की, “ मला एक मुलगा आहे. तरीही मला आणि माझ्या नवऱ्याला दोघांनाही एक मुलगी दत्तक घ्यायची आहे. मी इतरांनाही मुलं दत्तक घेण्यासाठी प्रोत्साहन देईन. सरोगसी करण्याऐवजी दत्तक घेऊन मुलांना त्यांच्या हक्काचं घरं मिळवून द्या.”

I have a baby I want another one my husband and I decided to adopt, I want to encourage couples to adopt than to go for surrogates, to each his own but let’s try and give homes to those also who are already in this world and longing for parents

— Rangoli Chandel (@Rangoli_A) February 21, 2020

रंगोली पुढे असे म्हणते की, “ माझ्या बहिणीमुळे मी प्रेरित झाली आहे. अजय आणि मी सर्व फॉर्मेलिटी पूर्ण केली आहे. काही महिन्यातच आमच्या घरी एक लहान परी येणार आहे. जिचं नाव कंगनाने गंगा असं ठेवलं आहे. मी स्वत:ला नशीबवान समजते की मी एका मुलीला घर मिळवून देऊ शकली.”

My sister has inspired us to do this, Ajay and I have done all the formalities hopefully in few months our baby girl will be with us, Kangana as named her Ganga so fortunate to be able to give home to a child

— Rangoli Chandel (@Rangoli_A) February 21, 2020

रंगोलीला याआधी एक मुलगा आहे. ज्याचं नाव पृथ्वी असं आहे. कंगना आणि पृथ्वीचे अनेक फोटो सोशल मीडियावर व्हायरल होत असतात.

नुकतच अभिनेत्री शिल्पा शेट्टी देखिल सरोगसीद्वारे आई बनली आहे. तिने तिच्या मुलीचं नाल समीशा असं ठेवलं आहे. तिने समीशाचा फोटो इन्स्टाग्रामवर शेअर करत चाहत्यांनाही ही आनंदाची बातमी दिली होती.