Home /News /entertainment /

Indian idol संपताच दुसऱ्या दिवशी सायलीनं मराठी चित्रपटासाठी गायिलं गाणं

Indian idol संपताच दुसऱ्या दिवशी सायलीनं मराठी चित्रपटासाठी गायिलं गाणं

स्पर्धेनंतर अवघ्या एका दिवसातच तिला एका चित्रपटासाठी गायन करण्याची संधी मिळाली आहे.

    मुंबई, 18 ऑगस्ट-  उत्तराखंडच्या पवनदीप राजनने (Pawandeep Rajan) इंडियन आयडॉलच्या बाराव्या पर्वाच्या (Indian Idol - 12) विजेतेपदावर आपलं नाव कोरलं. नुकत्याच, 15 ऑगस्टला झालेल्या ग्रँड फिनालेमध्ये (Grand Finale) त्याच्या नावाची घोषणा झाली. या शोमध्ये सायली कांबळे ही मराठमोळी (Marathi Singer) तरुण गायिकाही सहभागी झाली होती. त्यामुळे मराठी प्रेक्षकांना तिच्याकडून अपेक्षा होती. सायलीला या स्पर्धेत तिसऱ्या क्रमांकावर समाधान मानावं लागलं असलं, तरी तिचं गायन कित्येक जणांना आवडलं होतं. स्पर्धा संपता संपताच त्याची प्रचीती आली असून, स्पर्धेनंतर अवघ्या एका दिवसातच तिला एका चित्रपटासाठी गायन करण्याची संधी मिळाली आहे. 'इंडियन आयडॉल'मुळे देशभरातल्या रसिकांपुढे नाव पोहोचलेल्या सायली कांबळे या मराठमोळ्या गायिकेला मराठी चित्रपटसृष्टीतून गायन क्षेत्रात पदार्पण करण्याची संधी मिळाली आहे. 'अंगामॅली डायरीज' (Angamaly Diaries) या मल्याळम चित्रपटाचा मराठी रिमेक असलेल्या 'कोल्हापूर डायरीज' (Kolhapur Diaries) या चित्रपटाचं गाणं गाण्याची संधी सायलीला मिळाली आहे. गाण्याचं रेकॉर्डिंगही झालं आहे. जोई राजन (Joe Rajan) हे चित्रपटाचे दिग्दर्शक असून, लोकप्रिय गायक-संगीतकार अवधूत गुप्ते (Avadhoot Gupte) यांनी या चित्रपटाला संगीत दिलं आहे. सिलेक्ट मीडिया होल्डिंग्जने या चित्रपटाची निर्मिती केली आहे. जोई राजन म्हणाले, 'सायली कांबळे (Sayli Kamble) ही एक गुणवान गायिका (Talented Singer) आहे. इंडियन आयडॉल कार्यक्रमात मी तिचं गायन ऐकलं आणि मी तिच्या आवाजाचा जणू फॅनच झालो. तिने आपल्या गाण्याच्या माध्यमातून कोट्यवधी रसिकांची मनं जिंकली आहेत. ती एक सुरेल आणि यशस्वी गायिका म्हणून प्रसिद्ध होईल, असा विश्वास वाटतो. तसंच, 'कोल्हापूर डायरीज' या चित्रपटासाठी तिने गायलेलं गाणंही लोकांना नक्की आवडेल.' (हे वाचा:BoyCottRadhikaApte' ट्रेंड होताच; मदतीसाठी पुढे सरसावला सहकलाकार  ) इंडियन आयडॉलचं 12 पर्व सुरू असताना 'भारत की बेटी' म्हणून सायली कांबळे प्रसिद्ध झाली होती. संपूर्ण सीझनदरम्यान पवनदीप, दानिश, अरुणिता, षण्मुखप्रिया या कलाकारांना अनेक संगीतकारांनी त्यांच्या चित्रपटांतली गाणी गाण्याची संधी दिली. त्या बाबतीत सायली काहीशी अनलकी ठरली. कारण तिला यातली संधी मिळाली नाही; मात्र आपण केलेलं काम, मेहनत वाया जात नाही, या उक्तीप्रमाणे तिचं नशीब कार्यक्रम संपल्या संपल्या लगेचच उजळलं. 'कोल्हापूर डायरीज' या चित्रपटाचे निर्माते जोई राजन यांना तिचं गाणं आवडलेलं असल्यानं त्यांनी तिला त्या चित्रपटात गाण्याची संधी दिली. त्यामुळे मराठी चित्रपटसृष्टीत तिचा प्रवेश झाला आहे. त्याबद्दल ती खूप खूश आहे. (हे वाचा:सई-ललितचं 'पेट पुराण'; चित्रपटाच्या शुटींगला झाली सुरुवात  ) 'इंडियन आयडॉलमध्ये सहभागी होताना माझी अशी इच्छा होती, की लोकांना माझं गायन आवडू दे आणि चित्रपटसृष्टीत माझ्या करिअरची सुरुवात होऊ दे. त्यामुळे मी स्वतःला खूप सुदैवी मानते. इंडियन आयडॉलची ग्रँड फिनाले संपल्या संपल्या दुसऱ्याच दिवशी जोई राजन सरांनी मला 'कोल्हापूर डायरीज'साठी गाण्याची संधी दिली. त्यामुळे मी जोई राजन सर आणि संगीतकार अवधूत गुप्ते यांची मनापासून आभारी आहे,' अशी प्रतिक्रिया सायली कांबळे हिने व्यक्त केली. अभिनेता भूषण पाटील (Bhushan Patil) आणि अभिनेत्री गायत्री दातार (Gayatri Datar) यांच्या 'कोल्हापूर डायरीज' या चित्रपटात प्रमुख भूमिका आहेत.
    First published:

    Tags: Indian idol

    पुढील बातम्या