Home /News /entertainment /
Indian Idol 11 च्या मंचावर रोहित राऊतनं केलं दिशा पाटनीला प्रपोज, पाहा VIDEO
Indian Idol 11 च्या मंचावर रोहित राऊतनं केलं दिशा पाटनीला प्रपोज, पाहा VIDEO
संबंधित बातम्या
ओवेसींनी औरंगजेबाच्या कबरीचे दर्शन घेतल्याप्रकरणी रवीना टंडनचं ट्वीट चर्चेत
'माझी बायको, माझी सोलमेट....' डॉ श्रीराम नेनेंची माधुरीसाठी रोमॅंटिक पोस्ट
The Archies: एकाच सिनेमातून 3 स्टारकिड्सचा डेब्यू; बड्या कलाकारांची मुलं झळकणार
भारतीय अभिनेत्री कान फिल्म फेस्टिव्हलला जाण्यामागे सिनेमा नव्हे, `ही` आहेत कारणं
मुंबई, 23 जानेवारी : अभिनेत्री दिशा पाटनी आणि आदित्य रॉय कपूर सध्या त्यांचा आगामी सिनेमा ‘मलंग’ सिनेमाच्या प्रमोशनमध्ये बीझी आहेत. यासाठी या सिनेमाच्या संपूर्ण टीमनं नुकतीच सिंगिंग रिअलिटी शो इंडियन आयडॉलमध्ये हजेरी लावली. यावेळी प्रमोशनसोबत सर्वांना आदित्य रॉय कपूरचं गाणंही ऐकायला मिळालं. त्यासोबत महाराष्ट्राचा लाडका गायक रोहित राऊतनं या मंचावर दिशा पाटनीला प्रपोज केलं. रोहित आणि दिशाचा हा व्हिडीओ सोशल मीडियावर खूप व्हायरल होत आहे.
‘मलंग’ची टीम इंडियन आयडॉलच्या मंचावर आल्यावर सर्वच स्पर्धकांमध्ये उत्साह संचारला होता. यावेळी सर्वच स्पर्धकांनी दिशा पाटनीला इंप्रेस करण्याचा प्रयत्न केला. पण सर्वात भाव खाऊन गेला तो महाराष्ट्राचा लाडका गायक रोहित राऊत. रोहितनं दिशाकडे जात तिला स्वतःसोबत डान्स करण्यासाठी प्रपोज केलं. यासोबतच दिशा इंप्रेस करण्याची आम्हा सर्वांमध्ये चढाओढ असल्याचंही त्यानं सांगितलं. विशेष म्हणजे रोहितच्या प्रपोजलला होकार देत दिशानं त्याच्यासोबत डान्स सुद्धा केला.
याशिवाय या शोमध्ये आदित्य रॉय कपूरचं सिंगिंग स्किल पाहायला मिळालं. त्याला या मंचावर गाण्याची विनंती करण्यात आली आणि आदित्यनं गिटार घेऊन त्याचा सुपरहिट सिनेमा ‘आशिकी 2’मधील ‘मिलने है मुझसे आयी...’ हे गाणं गायलं. दिशा आणि आदित्य व्यतिरिक्त या शोमध्ये अभिनेता अनिल कपूर आणि कुणाल खेमू यांनी देखील सर्व स्पर्धकांसोबत एन्जॉय केलं. मलंग सिनेमासाठी दिशा आणि आदित्य यांनी खुप मेहनत घेतली आहे. या चित्रपटासाठी दोघांनी अंडर वॉटर किसिंग सीनचे ट्रेनिंगही घेतले होते. एवढेच नाही तर या चित्रपटाच्या एका दृश्यासाठी दिशा आणि आदित्य यांना एक मिनिटला पाण्याखाली रहावे लागले होते. सिनेमाच्या ट्रेलरमध्ये एक वेगळाच थ्रील पाहायला मिळाला. दिशा-आदित्यची सिझलिंग केमिस्ट्री आणि त्यातील मर्डर मिस्ट्री हे कॉम्बिनेशन या सिनेमात पाहायला मिळणार आहे. या सिनेमात अभिनेता अनिल कपूर पोलिसांच्या भूमिकेत दिसणार आहे.
मोहित सूरी यांनी या चित्रपटाचे दिग्दर्शन केले आहे. या चित्रपटाची निर्मिती लव रंजन आणि अंकुर गर्ग यांनी एकत्र केली आहे. या चित्रपटात आदित्य, दिशा पाटनी व्यतिरिक्त अनिल कपूर आणि कुणाल खेमू यांच्या महत्त्वपूर्ण भूमिका आहेत. हा एक रोमँटिक थ्रिलर चित्रपट आहे. हा सिनेमा येत्या 7 फेब्रुवारीला प्रेक्षकांच्या भेटीला येणार आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Bollywood, Disha patani