महिला दिनी हेमांगीनं मानले पुरुषांचे आभार, म्हणाली, 'म्हणूनच आज मी लिहू, वाचू...'

मुंबई, 8 मार्च- अभिनेत्री हेमांगी कवी सोशल मीडियार प्रचंड सक्रीय असते. हेमांगी विविध विषयावर सोशल मीडियावर व्यक्त होत असते. महिलांचे प्रश्न असतील किंवा समाजातील विविध विषय यावर हेमांगी स्पष्टपणे मत मांडताना दिसते. अनेकदा तिला यामुळे ट्रोलिंगचा सामना देखील करावा लागला आहे. हेमांगीनं महिला दिनाचं निमित्त साधत तिचा एक खास व्हिडिओ शेअर केला आहे. सोबत तिनं एक पोस्ट देखील लिहिली आहे. सध्या हेमांगीची ही पोस्ट चांगलीच चर्चेत आली आहे.

हेमांगीनं महिला दिनानिमित्तानं एक व्हिडिओ पोस्ट केला आहे ज्यात ती बिनधास्त वावरताना दिसत आहे. सोबत बॅकग्राउंडला मराठीतलं एक सुमधूर अर्थपूर्ण भावगीत ऐकायला मिळत आहे. 'एकाच या जन्मी जणू.. फिरुनी नवी जन्मेन मी..' याच गाण्याला धरुन हेमांगीची पोस्ट आहे. आणि याच गाण्यातून स्त्रीचं अस्तित्व खुप सुंदर पद्धतीनं ज्यांनी समोर आणलं असे गाण्याचे गीतकार सुधीर मोघे आणि संगीतकार-गायक सुधीर फडके यांना 'महापुरुष' संबोधत अशा विचारसरणीच्या अनेक पुरुषांचे तिनं महिला दिनानिमित्तानं आभार मानले आहेत.

वाचा-सई ताम्हणकरच्या बॉयफ्रेंडला पाहिलंय का? होळीनिमित्त गर्लफ्रेंडसाठी केली पोस्ट

हेमांगी कवी म्हणते की,''पुढचा जन्म वगैरे असतो नसतो… मला माहीत नाही! पण या गाण्याप्रमाणे याच जन्मातंच फिरून फिरून प्रत्येक क्षणाला नवा जन्म घेत राहीन! किती ही संकटं आली, माझा आवाज दाबण्याचा, माझी मतं धुडकवण्याचा प्रयत्न केला तरी मी बोलत राहीन, लिहीत राहीन.जी एका नविन जीवाला जन्म देऊ शकते ती स्वतःला ही पुन्हा पुन्हा जन्म देऊच शकते की. स्वतःला जपू, वाढवू शकते. न घाबरता, न लाजता. तिला संपवण्याचं सामर्थ्य कुणामध्येच नाही हे पदोपदी लक्षात ठेवायला हवं!

View this post on Instagram

A post shared by Hemangi Kavi-Dhumal (@hemangiikavi)

या गाण्याची गंमत अशी की हे गाणं एका पुरुषाने कवी सुधीर मोघे यांनी लिहीलंय आणि तितक्याच सुंदर पद्धतीने स्वरबद्ध केलंय आणखी एका पुरुषाने संगीतकार सुधीर फडकेंनी. बाईचं अंर्तमन, तिचं जगणं अशाच काही महापुरूषांना कळलं असावं म्हणूनच आज मी हे लिहू, वाचू, व्यक्त करू शकतेय.

अशाच पुरूषांच्या विचारसरणीमुळे आणि साथीने जर हा दिवस येऊ शकतो तर तो दिवस नक्कीच येईल ज्या दिवशी सर्व स्तरातील सर्व बाबतीत समानता येऊन स्त्रीयांसाठीचा असा एक खास दिवस साजरा करणं थांबेल आणि खऱ्या अर्थानं स्त्रीजन्म साजरा होईल तो पर्यंत. आंतरराष्ट्रीय महिला दिनाच्या सर्वांना खुप शुभेच्छा''. अशा शब्दात हेमांगीनं महिला दिनाच्या सर्वांना शुभेच्छा दिल्या आहेत.