Home /News /entertainment /

ही कुणी क्रिकेटर नाही तर आहे अभिनेत्री, या भूमिकेसाठी घेतेय कठोर मेहनत; तुम्ही ओळखलं का?

ही कुणी क्रिकेटर नाही तर आहे अभिनेत्री, या भूमिकेसाठी घेतेय कठोर मेहनत; तुम्ही ओळखलं का?

बॉलिवूड अभिनेत्री तापसी पन्नुने (Taapsee Pannu) अलीकडेच फिल्मफेअर अवॉर्डमध्ये (Filmfare Award) आपल्या नावाची मोहर उमटवली आहे. तिला 'थप्पड' (Thappad) या चित्रपटासाठी सर्वोत्कृष्ट अभिनेत्रीचा पुरस्कार (Best Actress Award) मिळाला आहे.

पुढे वाचा ...
    मुंबई, 30 मार्च: बॉलिवूड अभिनेत्री तापसी पन्नुने (Taapsee Pannu) अलीकडेच फिल्मफेअर अवॉर्डमध्ये (Film fare Award) आपल्या नावाची मोहर उमटवली आहे. तिला 'थप्पड' (Thappad) या चित्रपटासाठी सर्वोत्कृष्ट अभिनेत्रीचा पुरस्कार (Best Actress Award) मिळाला आहे. या पुरस्काराच्या शर्यतीत तापसीसोबत कंगना राणौतही (Kangana Ranaut) होती. यावेळी तापसीने कंगनावर मात करून बॉलिवूडचा सर्वात मानाचा फिल्मफेअर अवॉर्ड आपल्या नावावर केला आहे. अशा यशाने हुरळून न जाता तापसीने तिच्या आगामी चित्रपटासाठी मेहनत घ्यायला सुरुवात केली आहे. गेल्या काही काळापासून बॉलिवूड अभिनेत्री तापसी पन्नू आपल्या आगामी चित्रपटांच्या चित्रीकरणात खूपच व्यस्त आहे. तिने एका पाठोपाठ एक चित्रपटांचं चित्रीकरण पूर्ण करण्याचा सपाटाच लावला आहे. सध्या ती आपल्या आगामी 'शाबाश  मिथु' (Shabash Mithu) या चित्रपटाच्या चित्रीकरणात व्यग्र आहे.  तापसीने अलीकडेच चित्रपटाच्या सेटवरचे काही फोटो इन्स्टाग्रामवर शेअर (Shared photos on set) केले आहेत. हे फोटो सध्या सोशल मीडियावर जोरात व्हायरल (Viral) होतं आहेत.
    View this post on Instagram

    A post shared by Taapsee Pannu (@taapsee)

    (हे वाचा-धर्मेशने सान्या मल्होत्राला केलं होतं रिजेक्ट; 6 वर्षांपूर्वी दिली होती ऑडिशन) हा चित्रपट भारतीय महिला वनडे क्रिकेट टीमची कप्तान मिथाली (Mithali Raj) राजच्या जीवनावर अधारित आहे. यामध्ये तापसी पन्नू मुख्य भूमिकेत दिसणार आहे. या चित्रपटात फिट दिसण्यासाठी तापसी मैदानात घाम गाळताना दिसत आहे. दरम्यानच्या काळात तापसीने आपल्या  इन्स्टाग्राम अकाऊंटवरून बरेच फोटो शेअर केले आहेत. ज्यामध्ये ती ग्लब्स आणि हेलमेट घालून धावपट्टीवर क्रिकेटच्या विविध शॉट्सचा सराव करताना दिसत आहे. (हे वाचा- 'रश्मी रॉकेट' सिनेमातला PHOTO व्हायरल; या भूमिकेत दिसणार तापसी पन्नू) तिने आपल्या इन्स्टाग्रामवर अकाऊंटवर एक फोटो शेअर केला आहे. ज्यामध्ये ती क्रिकेटमधली Down the line शॉट खेळण्याचा सराव करत आहे. तिचा हा फोटो सोशल मीडियावर चांगलाच व्हायरल होतं असून अवघ्या एका तासात या फोटोला 1 लाखाहून अधिक लोकांनी पसंती दर्शवली आहे. तापसी पन्नु मिथाली राजच्या व्यक्तीरेखेसाठी स्वतःला तयार करत आहे. त्यासाठी ती खूप सराव करत आहे. आता तापसीची देहबोली महिला क्रिकेटर सारखी दिसू लागली आहे. तापसी मिथालीच्या शैलीने फलंदाजी करण्याची कला अवगत करण्याचा प्रयत्न करत आहे.
    Published by:News18 Desk
    First published:

    Tags: Bollywood News, Entertainment, Mithali raj, Taapsee Pannu

    पुढील बातम्या