आपण याला ओळखलंत का? नृत्यदिग्दर्शकाने कमी केलं जवळजवळ 100 किलो वजन

मुंबई, 16 डिसेंबर : बॉलिवूडच्या अनेक सुपरस्टार्संना आपल्या इशाऱ्यावर नाचवणाऱ्या प्रख्यात नृत्य दिग्दर्शक गणेश आचार्यचं (Ganesh Acharya) ट्रान्सफॉर्मशन अगदीच आश्चर्यकारक आहे. येणाऱ्या आठवड्यात गणेश द कपिल शर्मा शोमध्ये (The Kapil Sharma Show) दिसणार आहेत. या शोचा एक व्हिडिओ सोशल मीडियावर व्हायरल होत आहे, ज्यामध्ये कपिल गणेश आचार्यसोबत त्याच्या वजनाविषयी विनोद करत आहे.

नृत्यदिग्दर्शक गणेश आचार्य, टेरेंस लुईस आणि गीता कपूर या आठवड्यात सोनी टी.व्ही वरील ‘द कपिल शर्मा शो’ मध्ये गेस्ट म्हणून येणार आहेत. या एपिसोडचा प्रोमो सोशल मीडियावर शेअर करण्यात आला आहे. कपिल शोच्या सुरूवातीला गणेश आचार्यला पहिला प्रश्न विचारतो, 'मास्टर जी, तुमचे वजन किती कमी झाले आहे?' गणेश उत्तर देत 98 किलो. कपिल शर्मा विनोदाने म्हणाले की तुम्ही दोन माणसे गायब केली आहेत.

View this post on Instagram

A post shared by Sony Entertainment Television (@sonytvofficial)

यानंतर कपिल गीता कपूरबरोबर फ्लर्टिंग करताना दिसतो. तो तिच्या सौंदर्याचे कौतुक करतो आणि त्या बदल्यात त्याची प्रशंसा करायला सांगतो. यावर गीता कपूर उत्तर देते, कपिल, तू माझ्या डोळ्यात बघ, तुला तू किती सुंदर कळेल'. शोमध्ये कृष्णा अभिषेक पुन्हा एकदा जॅकी श्रॉफ बनून आपले मनोरंजन करणार आहे. तसेच चंदन प्रभाकर, भारती सिंग आणि शुमोना चक्रवर्तीसुद्धा सगळ्यांना हसवताना दिसतील.

गणेश आचार्यानी आजपर्यंत अनेक प्रसिद्ध अभिनेते आणि अभिनेत्रींच्या गाण्याचं दिग्दर्शन केलं आहे. चिकनी चमेली, मस्ती की पाठशाला, 'मल्हारी'सारख्या प्रसिद्ध गाण्यांचं दिग्दर्शन गणेशने केलं आहे. तसेच 2013 मध्ये गणेश ABCD या सिनेमात स्वतः थिरकताना दिसला. गणेशला 2013 मधे 'भाग मिल्खा भाग' मधील 'हवन कुंड' या गाण्यासाठी  सर्वोत्कृष्ट नृत्यदिग्दर्शक म्हणून राष्ट्रीय चित्रपट पुरस्कार मिळाला.