Home /News /entertainment /

ही लोकप्रिय नटी पतीसह थिरकली शाहरुखच्या गाण्यांवर, पाहा VIRAL VIDEO

ही लोकप्रिय नटी पतीसह थिरकली शाहरुखच्या गाण्यांवर, पाहा VIRAL VIDEO

प्रादेशिक सिनेमातून अनेक चांगले चेहरे समोर आले. त्यातल्या अनेकांना खूप भरभरून प्रेम आणि प्रसिद्धी मिळते आहे.

    मुंबई, 18 जानेवारी : अनेक कलावंत प्रादेशिक सिनेमांमधून (regional cinema) बॉलिवूड (Bollywood) आणि हिंदी टीव्ही इंडस्ट्रीमध्ये (Hindi TV Industry) आपली मोठी ओळख बनवताना दिसतात. त्यातलंच एक नाव म्हणजे मोनालिसा. मोनालिसा सध्या सोशल मीडियावर खूप सक्रिय असते. ती अनेकदा आपले फोटो (Photo) आणि व्हीडिओज (videos) तिकडे शेअर करताना दिसते. तिचे फॅन्स (fans) सतत तिला फॉलो करत लाईक्स आणि कमेंट्सचा वर्षाव नव्या फोटो आणि व्हीडिओजवर करत असतात. नुकताच मोनालिसाचा एक व्हीडिओ खूप व्हायरल झाला. यात ती तिच्या पतीसह शाहरुख खानच्या (Shahrukh Khan) एका गाण्यावर डान्स करते आहे. 'ऐसी दिवानगी' या गाण्यावर केलेला हा डान्स (dance) लोकांना कमालीचा आवडला आहे. हा व्हीडिओ तिनं आपल्या इन्स्टाग्राम अकाउंटवरून (Instagram account) शेअर केला आहे. या व्हीडिओला आतापर्यंत २० हजारांहून अधिक लोकांनी लाईक केलं आहे. सोबतच चाहते या व्हीडिओवर विविध कमेंट्सही करत आहेत.
    View this post on Instagram

    A post shared by MONALISA (@aslimonalisa)

    मोनालिसा या व्हीडिओमध्ये एका हिरव्यागार प्रदेशात 'ऐसी दिवानगी' या गाण्यावर डान्स करते आहे. यादरम्यानच तिच्या पतीचीही (Husband) एंट्री होते. व्हीडिओमध्ये डान्सची शैली कमालीची मोहक आहे. तिचे एक्स्प्रेशन्स आणि डान्सच्या स्टेप्स यांच्यावर नजर खिळून राहते. या अभिनेत्रीनं व्हीडिओ शेअर करताना लिहिलं आहे, 'दिवाने हम फुल फिल्मी...' या व्हीडिओवर चाहते खूप भरभरून कमेंट्स करतात. पतीसोबत तिच्या केमिस्ट्रीचंही खूप कौतुक होताना दिसतं आहे. अर्थात, ही काय पहिली वेळ नाही. आजवर अनेकदा तिच्या डान्सनं लोकांची मनं जिंकलीत. मोनालिसाच्या कामाबाबत बोलायचं तर एका मोठ्या वृत्तवाहिनीवर सुरू झालेल्या 'नमक इस्क' या मालिकेत ती दिसते आहे. भोजपुरी सिनेमासह बॉलिवूडमध्येही तिनं आता आपला ठसा उमटवला आहे. मोनालिसा 'सरकार राज', 'मनी है तो हनी है', 'गंगा पुत्र', 'काफिला' अशा अनेक बॉलिवूड सिनेमामध्ये काम केलं आहे.
    Published by:News18 Desk
    First published:

    Tags: Instagram, Shahrukh khan, Viral video.

    पुढील बातम्या