Home /News /entertainment /

बॅन लिपस्टिक व्हिडिओ मागील सत्य अखेर आलं समोर ; अनुराधाशी आहे कनेक्शन

बॅन लिपस्टिक व्हिडिओ मागील सत्य अखेर आलं समोर ; अनुराधाशी आहे कनेक्शन

तेजस्विनी पंडितने आपल्या ओठावरची लिपस्टिक पुसून काढत बॅन लिपस्टिक (Ban Lipstick) हा नवा ट्रेंड सुरू केला होता. आता या व्हिडिओमागचं सत्य समोर आलं आहे.

    मुंबई, 7 डिसेंबर- अभिनेत्री तेजस्विनी पंडित  (Tejaswini Pandit)  हिने काही दिवसांपूर्वी एक व्हिडिओ  (Video) शेअर केला होता. त्या व्हिडिओत तेजस्विनी पंडितने  आपल्या ओठावरची लिपस्टिक पुसून काढत बॅन लिपस्टिक (Ban Lipstick)   हा नवा ट्रेंड सुरू केला होता. यानंतर सोशल मीडियावर ‘मी लिपस्टिकचं समर्थन करत नाही’ असं म्हणत हॅशटॅग बॅन लिपस्टिक हा ट्रेंड तेजस्विनी मुळे खूपच चर्चेत आला. तेजस्विनी पाठोपाठ अभिनेत्री सोनाली खरे, अदिती सारंगधर, स्मिता गोंदकर, प्रजक्ता माळी यांनी देखील हा ट्रेंड सुरू करून तेजस्विनी पंडितला पाठिंबा दर्शवला. मात्र लिपस्टिक पुसण्याचा आणि या ट्रेंडचा नेमका काय संबंध असा प्रश्न सर्वांना पडला होता. आता या व्हिडिओमागचं सत्य समोर आलं आहे. तेजस्विनीने सोशल मीडियावर पोस्ट करत याचा खुलासा केला आहे. Kill you soon “अनुराधा” या वेबसिरीजचे मोशन पोस्टर शेअर करत तेजस्विनी पंडितने आपल्या आगामी प्रोजक्टची माहिती दिली आहे. अनुराधा ही वेबसीरिज लवकरच प्लॅनेट मराठी ओटीटी प्लॅटफॉर्मवर प्रेक्षकांच्या भेटीला येणार आहे. वेबसिरीजच्या या मोशन पोस्टरवर लिपस्टिकचं चित्र आहे. Kill you soon अनुराधा या वेब सिरीज धुरा संजय जाधव यांनी सांभाळली आहे. या वेबसिरीजमध्ये कोणकोणते कलाकार झळकणार आहेत याची माहिती समोर आलेली नाही. मात्र ह्या बॅन लिपस्टिकच्या ट्रेंड मागे ज्या अभिनेत्रींनी पाठिंबा दर्शवला होता तेच कलाकार ह्या प्रोजेक्टमधून दिसतील असा अंदाज प्रेक्षकांकडून बांधला जात आहे. वाचा -हिंदी अभिनेत्रीच्या एका चुकीमुळे चला हवा येऊ द्या फेम कलाकारास होतोय त्रास; पोस्ट लिहित सांगितला सर्व प्रकार बॅन लिपस्टिक हा ट्रेंड नेमका कोणत्या कारणावरून सुरू झाला आणि लिपस्टिक बॅन करण्यामागे नेमके कारण काय असा प्रश्न प्रेक्षकाना पडला होता. यावेळी अनेकांनी हा पब्लिसिटी स्टंट असावा असा अंदाज बांधला होता तर अनेकांनी तिच्या आगामी प्रोजेक्ट बाबत शक्यता वर्तवली होती. बॅन लिपस्टिक मागे नेमके कोणते कारण आहे याचा उलगडा आता झालेला आहे.
    बॅन लिपस्टिकमागे अनुराधाचे काय कनेक्शन आहे याची उत्सुकता शिगेला पोहोचली आहे. त्यामुळे ही सीरिज नेमकी काय संदेश देणार आहे याची उलगडा सीरिड पाहिल्यानंतरच होणार आहे. मात्र या ट्रेंडमुळे या सीरिजची चांगलीच प्रसिद्धी झाली.
    Published by:News18 Trending Desk
    First published:

    Tags: Entertainment, Marathi actress, Marathi entertainment

    पुढील बातम्या