Ashish Vidyarthi: 182 वेळा केली मरण्याची अॅक्टिंग; एकदा घडला असा प्रसंग, मृत्यूचा दारातून परत आला अभिनेता

मुंबई, 25 मे : चित्रपटांतील प्रसिद्ध खलनायक म्हणून ओळखला जाणारे आशिष विद्यार्थी पुन्हा एकदा चर्चेत आले आहेत. आशिष विद्यार्थी यांनी वयाच्या साठीत लग्नगाठ बांधली आहे. त्यांच्या लग्नाचे फोटो सोशल मीडियावर तुफान व्हायरल होत आहेत. आता याच बरोबर आशिष यांच्या जुन्या किस्स्यांची चर्चा होतेय. आशिष विद्यार्थी यांनी हिंदी तसेच तमिळ, तेलुगू, मल्याळम, कन्नड आणि बंगाली भाषेतील अनेक चित्रपटांमध्ये काम केले आहे. या चित्रपटांची खास गोष्ट म्हणजे आशिष जवळपास सर्वच चित्रपटांमध्ये खलनायकाच्या भूमिकेत दिसले आहेत. पण त्यांच्याविषयी एक विशेष गोष्ट म्हणजे चित्रपटात भूमिका साकारताना ते एक दोन नाही तर तब्बल 182 वेळा मृत्युमुखी पडले. पण असं करताना त्यांच्या खऱ्या आयुष्यात एकदा प्रत्यक्ष यमराजचं त्यांच्या पुढ्यात येऊन उभा ठाकला. काय होता तो किस्सा जाणून घ्या.

आशिष विद्यार्थींनी 'आनंद' या कन्नड चित्रपटातून चित्रपटसृष्टीत पदार्पण केलं होतं. त्यानंतर त्यांनी कधीच मागे वळून पाहिले नाही. आशिष विद्यार्थी यांनी 1942: एक प्रेम कथा, बर्फी, बाजी, सरदार, बिच्चू, सरदार, द्रोखल, नाजायज यांसारख्या अनेक चित्रपटांमध्ये चमकदार अभिनय केला आहे. पण त्याच्या चित्रपटांची खास गोष्ट म्हणजे तो एकमेव बॉलिवूड अभिनेता आहे जो चित्रपटांमध्ये सर्वाधिक वेळा मरण पावला आहे. आशिषशी संबंधित ही रंजक गोष्ट जाणून घेऊया.

बॉलीवूड चित्रपटांमध्ये घडते, शेवटी नायक जिंकतो आणि खलनायक मरतो. आशिष यांनी आजवर सर्वाधिक खलनायकांचीच भूमिका साकारली आहे.त्यामुळेच त्यांच्या प्रत्येक चित्रपटामध्ये नायकाच्या हातून त्याचा मृत्यू आधीच ठरलेला असायचा. त्यामुळेच आतापर्यंत आशिष यांना चित्रपटांमध्ये 182 वेळा मृत्यू आला आहे. पण खऱ्या आयुष्यातही ते मृत्यूच्या दारातून वापस आले.

Ashish Vidyarthi: वयाच्या साठीत अभिनेता बनला नवरदेव; सुप्रसिद्ध खलनायक आशिष विद्यार्थीनीं बांधली लग्नगाठ

आशिष विद्यार्थी एकदा एका चित्रपटाचे शूटिंग करत होते. यासाठी त्यांना पाण्यात उतरावे लागले. मात्र आशिष याना  खोलीचा अंदाज न आल्याने ते खोल पाण्यात गेले. पण तेव्हा ते पाण्यात खरोखरच बुडू लागले. त्यांना पाण्यात बुडणाऱ्या माणसाचीच भूमिका करायची होती. त्यामुळे  तेथे उपस्थित लोकांना ते अभिनय करतायत असं समजून कोणीच त्यांच्या मदतीला गेलं नाही.

आशिष विद्यार्थी पाण्यात बुडताना पाहून तेथे उपस्थित असलेल्या पोलिसांना संशय आला. त्यांनी वाहत्या पाण्यात उडी मारून आशिषचे प्राण वाचवले. नंतर तिथे उपस्थित असलेल्या लोकांना आशिष खरोखर बुडत असल्याचे समजले.

आशिष विद्यार्थी यांना 'द्रोहकल' चित्रपटासाठी सर्वोत्कृष्ट सहाय्यक अभिनेत्याच्या श्रेणीत राष्ट्रीय पुरस्कार मिळाला आहे. वो बाजी, नजाएज, जीत, भाई, हसीना मान जायेगी, अर्जुन पंडित, पशु, धाव, जिद्दी, मेजर साब, सैनिक, वास्तव, बादल, शरणार्थी, एक और एक गयाह, एलओसी कारगिल, कहो ना प्यार है, विंचू, जोरू का गुलाम, जाल, किस्मत, शिकार, जिमी, रक्तचरित्र, बर्फी, राजकुमार, हैदर, अलीगढ आणि बेगम जान यांसारख्या चित्रपटांमध्ये काम केलं आहे.