‘कानांवर विश्वास बसत नाही’; टायगरच्या चित्रपटात ए.आर. रेहमान यांची एंट्री

अॅक्शन हिरो टायगर श्रॉफ (Tiger Shroff) यानं ‘हिरोपंती’ (Heropanti) या चित्रपटातून बॉलिवूडमध्ये पदार्पण केलं होतं. या चित्रपटात त्यानं केलेल्या अॅक्शन सीन्स आणि डान्सची प्रचंड स्तुती केली गेली होती. आता या सुपरहिट चित्रपटाचा दुसरा भाग लवकरच प्रेक्षकांच्या भेटीस येत आहे. लक्षवेधी बाब म्हणजे या चित्रपटाच्या संगीत दिग्दर्शनाची जबाबदारी ऑस्कर विजेते संगीतकार ए.आर.रेहमान (AR Rahman) यांनी स्विकारली आहे. प्रसिद्ध गीतकार मेहबूब यांच्यासोबत ते चित्रपटाची गाणी तयार करत आहेत. ए.आर. रेहमान यांच्या आगमनामुळं टायगरच्या चाहत्यांची उत्कंठा शिगेला पोहोचली आहे. टायगर श्रॉफ (Tiger Shroff) याने हिरोपंती या चित्रपटातून 2014 साली चित्रपटसृष्टीत पदार्पण केलं होतं. तो चित्रपट सब्बीर खान (Sabbir Khan) यांनी दिग्दर्शित केला होता. तसंच, त्यात क्रिती सॅनन (Kriti Sanon) ही टायगरची नायिका होती. त्यानंतर सात वर्षांनी हिरोपंतीचा सिक्वेल येतो आहे. अवश्य पाहा - पाहा अरुण जेठलींची ग्लॅमरस भाची; अल्ट बालाजीवर येतेय नवी वेब सीरिज 'हिरोपंती टू'मध्ये टायगर प्रमुख भूमिकेत, तर तारा सुतारिया (Tara Sutaria) नायिकेच्या भूमिकेत आहे. अहमद खान हा चित्रपट दिग्दर्शित करत असून, साजिद नाडियादवाला (Sajid Nadiadwala) यांची निर्मिती आहे. 3 डिसेंबर 2021 रोजी हा सिनेमा रिलीज होणार आहे. ए. आर. रेहमान आणि मेहबूब यांच्या समावेशामुळे या सिनेमाची गाणी विशेष श्रवणीय असतील, असा होरा आहे.

View this post on Instagram

A post shared by Tiger Shroff (@tigerjackieshroff)

टायगर श्रॉफनेही ही बातमी सोशल मीडियावर शेअर करून, '(रहमान) त्यांच्यासारख्या महान व्यक्तिमत्त्वाबरोबर काम करायला मिळणं हा सन्मान आहे,' अशी भावना व्यक्त केली आहे. तत्पूर्वी काही दिवसांपूर्वी टायगरने 'हिरोपंती टू'ची घोषणाही सोशल मीडियावर केली होती. 'माझं पहिलं प्रेम परत आलं आहे. कधीही अनुभवलं नसेल अशी अॅक्शन आणि थ्रिल. तीन डिसेंबरला सिनेमागृहात एकत्र साजरं करू या,' असं त्याने आपल्या पोस्टमध्ये म्हटलं होतं. तारा सुतारियानेही इन्स्टाग्राम अकाउंटवरून तिच्या या सिनेमातल्या भूमिकेबद्दल सांगितलं होतं. 'नव्या कुटुंबासोबत नवा प्रवास.. हिरोपंती टू' अशी पोस्ट तिने केली होती. यापूर्वी टायगर आणि तारा यांनी स्टुडंट ऑफ दी इयर सिनेमात 2019मध्ये एकत्र काम केलं होतं. प्रसिद्ध अभिनेते जॅकी श्रॉफ यांचा मुलगा असलेला टायगर 2014मध्ये सिनेमासृष्टीत आला आणि अॅक्शन (Action Film) या जॉनरमध्ये रममाण होऊन गेला. हिरोपंती सिनेमाचे दिग्दर्शक सब्बीर खान यांनी पूर्वी इंडियन एक्स्प्रेसला सांगितलं होतं, की 'टायगर हा अॅक्शन डिरेक्टरला आनंद देण्यासारखं काम करतो. जेव्हा दिग्दर्शक काही तरी उत्तम साधण्याचा विचार करतो, तेव्हा तो त्याचं सर्वस्व ओतून प्रयत्न करतो. 'हे मला जमणार नाही,' 'हे अवघड आहे,' 'कोणी तरी बॉडी डबल शोधा किंवा दुसरा काही पर्याय शोधा' अशी कारणं तो देत नाही.'