Anvita Phaltankar Birthday: अन्विताला आवडत नाही 15 जून ही तारीख; काय नेमकं कारण?

मुंबई 1 जुलै: मराठीमधील एक गोड आणि हसतमुख अभिनेत्री म्हणून (Anvita Phaltankar) अन्विता फलटणकर कडे पाहिलं जातं. अन्वितचा आज वाढदिवस आहे. सगळ्यांची लाडकी स्वीटू पंचविसाव्या वर्षात पदार्पण करणार आहे. अन्विता कायमच दिलखुलास म्हणूनच ओळखली जाते. पण सगळ्यांच्या लाडक्या स्वीटूला मात्र एक गोस्ट अजिबात आवडत नाही. काय आहे ती गोष्ट? अन्विता कायम बिनधास्त आणि कूल अंदाजात असते. आजच्या काळातली ही यंग आणि स्वीट अभिनेत्री कधीच मरगळलेली दिसत नाही. मुंबईत लहानाची मोठी झालेली अन्विता मुंबईशी एक घट्ट बॉण्ड शेअर करते असं असूनही मुंबईच्या धो धो पडणाऱ्या पावसाबद्दल तिला विशेष आकर्षण नाहीये असं तिने एका मुलाखतीत सांगितलं. राजश्री मराठीच्या एका मुलाखतीत ती म्हणते, “मला बदाबदा पाऊस पडत असताना बाहेर पडायला, कामावर जायला अजिबात आवडत नाही. पावसात बाहेर पडणं हे मला पटत नाही. विशेषतः 15 जून हा दिवस मला कधीच आवडला नाही. कारण त्या दिवशी भर पावसात शाळेत जावं लागायचं. आणि ते ओसंडून वाहणारे रस्ते, चिखलाने भरलेले खड्डे मला अजिबात आवडत नसत. त्या चिखलात हमखास पाय पडून बूट खराब होणं हे तर वाईट स्वप्नाहून सुद्धा वाईट. शाळेत हमखास कोणीतरी भिजून यायचं, सगळं ओलं ओलं असतं त्याचा वर्गात वास पसरायचा अशी माझी पावसाची आठवण आहे. मला घरात बसून पाऊस बघायला आवडतो. पावसात चहा आणि मॅगी असा माझा प्लॅन असतो. मी माझ्या एका प्रदेशात राहणाऱ्या मित्रासोबत हा प्लॅन कायम अमलात आणते.”

View this post on Instagram

A post shared by Anvita Phaltankar (@anvita_phaltankar)

अन्विताचा अंदाज कायमच जगावेगळा राहिला आहे. येऊ कशी तशी मी नांदायला (Who is Sweetu in Yeu Kashi Tashi Mi Nandayala) मधील स्वीटू या पात्राने तिला घराघरात ओळख दिली. पण स्वीटू जितकी शांत गुणी आहे तितकीच अन्विता गुणी असली तरी प्रचंड मस्तीखोर सुद्धा आहे. हे ही वाचा- Ketaki Chitale EXCLUSIVE: जेलमध्ये नेताना केतकी बरोबर घडलं असं काही भयानक, ऐका तिच्याच तोंडून अन्विताने गर्ल्स नावाच्या चित्रपटात काम केलं आहे. अन्विता येत्या काळात कोणत्या प्रोजेक्टमध्ये दिसेल याबद्दल चाहत्यांना उत्सुकता आहे.