ट्रोल झाल्यानंतर अंकिता लोखंडेने शेअर केला डान्स VIDEO; म्हणे सुशांतसाठी ट्रिब्यूट

मुंबई, 29 नोव्हेंबर: काही दिवसांपूर्वी अंकिता लोखंडेने (Ankita Lokhande) तिच्या बॉयफ्रेंडसोबत पोस्ट सोशल मीडियावर शेअर केली होती. त्यावरुन तिला बरंच ट्रोल करण्यात आलं होतं. आता अंकिताने एक डान्स व्हिडीओ सोशल मीडियावर शेअर केला आहे. 'हा डान्स व्हिडीओ सुशांत सिंह राजपूतला (Sushant Singh Rajput) माझ्याकडून ट्रिब्यूट' असल्याचं ती सांगते. अंकिताने यामध्ये उत्तम नृत्य सादर केलं आहे यात वादच नाही. 'तारो कें शहर में' या गाण्यावर अंकिता लोकंडेने नृत्य सादर केलं आहे. अंकिताचा डान्सची तयारी करत असतानाचा हा व्हिडीओ सध्या फारच व्हायरल होत आहे.  तिने कॅप्शनमध्येही लिहीलं आहे, ‘यावेळी वेगळं गाणं आहे. हे परफॉर्म करायला अगदी अवघड आहे. माझ्याकडून.. तुझ्यासाठी हे खूप वेदनादायी आहे.’ हा डान्स ती सुशांतसाठी करणार असल्याचं सांगते.

View this post on Instagram

A post shared by Ankita Lokhande (@lokhandeankita)

सुशांत सिंह राजपूत आणि अंकिता लोखंडे हे दोघं काही वर्षांपूर्वी रिलेशनशीपमध्ये होते. त्या दोघांचं नंतर ब्रेकअप झालं होतं अंकिताने शेअर केलेल्या या व्हिडीओला अनेक नेटकऱ्यांनी कॉमेंट्स केल्या आहेत. सुशांतचे चाहतेही भावूक झालेले दिसत आहेत. 'पवित्र रिश्ता' या मालिकेत अंकिता आणि सुशांतने एकत्र काम केलं होतं. मध्यमवर्गीय मराठी कुटुंबातल्या तरुण- तरुणीची प्रेमकथा या मालिकेमध्ये दाखवण्यात आली होती. या दरम्यान त्यांच्या अफेअरला सुरुवात झाली. तब्बल 6 वर्ष ते एकत्र होते. त्यांच्या लग्नाच्या चर्चांनाही उधाण आलं होतं पण काही कारणाने ते वेगळे झाले.